Ўзбекистонлик олимлар сигир ва эчкиларни ZF-UZ-VAC2001 вакцинаси билан эмлаш орқали коронавирусга қарши нейтраллаштирувчи антикорлари бўлган сутни ишлаб чиқди. Бу бўйича bioRxiv журналида мақола эълон қилинди.
Қайд этилишича, тадқиқотчилар COVID-19 га қарши эмланган ёки касалликдан тузалган аёлларнинг сутида коронавирусга антикор борлигини пайқаган. Шунда коронавирусга қарши эмланган сигир ва эчки сутидан аҳолининг иммунитетини оширишда фойдаланиш таклиф қилинган.
Олимлар уй эчкилари ва сигирларини ўзбек-хитой вакцинаси билан уч марта эмлаган. Биринчи эмлашдан икки ҳафта ўтгач, жониворлар танасидаги зардобда нейтраллаштирувчи антикорлар аниқланган. Тажрибалар антикорлар коронавирусни муваффақиятли зарарсизлантиришини кўрсатган. Самарадорлик қон зардобида 100 фоизга, сутда 40 фоизга етган.
«Ҳақиқатан ҳам биз истеъмол қиладиган сутда антитаналар мавжуд. Агар сиз сигир ёки эчкини ковидга қарши вакцина билан эмлаган бўлсангиз, уларда сезиларли миқдорда антитаналар бўлади. Бундан ташқари, сигир сутида одатда сигир патогенларига қарши бошқа антитаналар мавжуд», — деган Москва физика-техника институти геномик муҳандислик лабораторияси мудири Павел Волчков.
Тадқиқот Ўзбекистон Инновацион ривожланиш вазирлигининг илмий гранти томонидан қўллаб-қувватланган. Вазирлик ва Австрия тиббиёт университети ўртасида ҳамкорлик меморандуми имзоланган.
Тадқиқот концепцияси ва натижалари патентлаш учун Адлия вазирлиги ҳузуридаги Интеллектуал мулк агентлигига тақдим этилган.
bioRxiv журнали 2013 йил ноябрида Жон Инглиш ва Ричард Север томонидан асос солинган биология фанлари учун очиқ ва бепул маълумотлар базаси ҳисобланади. Архив Меtа компанияси асосчиси Марк Цукерберг ва унинг рафиқаси Присцилла Чан томонидан ташкил этилган Chan Zuckerberg Initiative фонди билан ҳамкорлик қилади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Эрдўғон Туркия Исроил билан алоқаларини узганини маълум қилди
Рақобат қўмитаси биржада Аи-80 бензини бошланғич нархига чеклов ўрнатди
Шавкат Мирзиёев Ар-Риёд шаҳрига етиб борди (фото)
Рууд ван Нистелрой ва яна уч мураббий “Манчестер Юнайтед”ни тарк этди
"Майк Тайсон - Жейк Пол" бокс оқшомининг барча иштирокчилари билан танишинг
Нима учун айнан кузда кўпроқ киви истеъмол қилиш керак?
АҚШ Регистон майдони архитектурасини сақлаб қолиш учун 500 минг доллар ажратди
