Зўравонлик ва одам савдосида айбланган репер Пи Дидди Форт-Дикс федерал қамоқхонасида руҳоний ёрдамчиси лавозимини эгаллади, деб хабар бермоқда Peopletalk.
Инсайдерларнинг сўзларига кўра, бу иш жазони ижро этиш муассасасидаги энг нуфузли ишлардан бири ҳисобланади ва алоҳида имтиёзлар беради. Пи Дидди кондиционерланган хонада ишлаши, шунингдек, диний хизматлардан олинган маҳсулотларни тарқатишда иштирок этиши мумкин бўлади.
Бундан ташқари, репер дастурлар ёки тиббий кўрикларда иштирок этиш учун камерани тарк этиши мумкин бўлган маҳбуслар рўйхатини тузиш имкониятига эга бўлади. Инсайдерларнинг таъкидлашича, руҳоний ёрдамчилари бу рўйхатларга ўз танишларини киритиши мумкин, бу эса уларнинг қамоқхонадаги обрўсини оширади.
Эслатиб ўтамиз, 2024 йил сентябрь ойида Пи Дидди кутилмаганда можаро марказига тушиб қолган эди. Репер одам савдоси ва зўравонликда гумонланиб ҳибсга олинган. Энг катта шов-шув репернинг собиқ севгилиси - қўшиқчи Кесси Вентура томонидан судга даъво аризаси берилганидан кейин юзага келди. Шунингдек, судда юлдузга қарши судланувчининг собиқ ёрдамчиси, репер Кид Кади ва бошқалар чиқиш қилган.
Октабр ойи бошида ҳакамлар ҳайъати Пи Диддини бирданига бешта банддан иккитасида айбдор деб топди. Якуний ҳукмга кўра, репер тўрт йил-у икки ойга озодликдан маҳрум этилган. Шунга қарамай, ижрочининг адвокатлари унинг жазо муддатини қисқартиришга ҳаракат қилган ва икки банд бўйича ҳукм устидан апелляция шикояти берган. Кейинчалик репернинг озодликка чиқиши санаси маълум бўлди. Орадан бир неча кун ўтгач, Пи Диддини енгилроқ режимли қамоқхонага ўтказишди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
