Каталониянинг «Барселона» жамоаси Испания чемпионатида навбатдаги мағлубиятини қабул қилди — бу сафар каталониялик «Жирона»дан ютқазди. Бу ҳақда euro-football.ru хабар беради.
Жамоа бош мураббийи Ханси Флик учрашувдан кейин вазиятдан норози эканини яширмади ва клуб ҳозир оғир даврни бошдан кечираётганини таъкидлади. Унинг эслатишича, ўтган ҳафта «Барселона» Испания Кубогида Мадриднинг «Атлетико» жамоасига 0:4 ҳисобида йирик тарзда имкониятни бой берганди.
«Бизнинг ҳолатимиз яхши эмас, биз инқироздамиз. Олдимизда жавобларни топиш учун бир ҳафта бор — жиддий ишлашимиз керак. Балки бизга бошқа менталитет ва бошқа даража керакдир. Биз албатта яхшироқ ўйнашимиз шарт», — дея Фликнинг сўзларини «Барселона» расмий сайти келтирди.
Ушбу натижадан сўнг «Барселона» Испания чемпионати турнир жадвалида пешқадамликни бой берди.
“Zamin”ни Telegram'да ўқинг!
