14:32 / 22.06.2016
8 035

"Oilamni qanday saqlab qoldim " kitobining muallifi rafiqasining qotili sifatida umrbod qamoq jazosiga hukm etildi

"Oilamni qanday saqlab qoldim " kitobining muallifi rafiqasining qotili sifatida umrbod qamoq jazosiga hukm etildi
Uch yil avval Derek Medina ismli shaxs xotinini to‘pponchadagi hamma o‘qni otib o‘ldirganligi va jasad suratini ijtimoiy tarmoq orqali tarqatib yuborganligi tufayli qamoqqa olingan edi

AQShda "Oilamni qanday saqlab qoldim " kitobi orqali tanilgan Derekni rafiqasi Djeniferning qotili sifatida umrbod qamoq jazosiga mahkum qilinganligi haqida korrespondent.net axborot sayti xabar beradi.

2013 yilda u xotinini sovuqqonlik bilan otib o‘ldirgan va ijtimoiy tarmoqqa jasad suratini joylab, surat ostida do‘stlari uchun shunday so‘zlarni qoldirgan;

"Men xotinimning qotili sifatida yoki qamalaman yoki qatl etilaman. Sizlarni yaxshi ko‘raman. Yangiliklarda meni albatta ko‘ring."

Tasvirda ayol cho‘k tushgan va boshi devorga tiralgan holda aks etgan.

Derek o‘z aybini qisman tan olgan va ayolini o‘zini himoya qilish maqsadida o‘ldirganligini ta’kidlagan. Uning ko‘rsatmasiga binoan xotini unga pichoq bilan hamla qilgan.

Oilaviy mojaro xotin eriga telefilm boshlanganda uyg‘otib qo‘yishini so‘raganligi, eri esa esidan chiqib uyg‘otmaganligi sababli boshlangan. Ayol uyqudan turgach erini baqirib haqorat qilgan. Natija esa ko‘rib turganingizdek fojia bilan yakun topdi.

Sud Derek Medinaning o‘zini himoya qilish bahonasini ayolning jussasi eridan ikki barobar kichikligini hisobga olib, qabul qilmadi. Qolaversa uni otalik burchini his etmaganlikda ayblashdi. Qotillik yuz bergan mahalda ayolning avvalgi turmushidan bo‘lgan kichik yoshli qizchasi uyda bo‘lgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » "Oilamni qanday saqlab qoldim " kitobining muallifi rafiqasining qotili sifatida umrbod qamoq jazosiga hukm etildi