Turk seriallarining suratga olish jarayonida rashk sabab yuz bergan shov-shuvli janjallar

Aytilganidek, yo rashk sevgini, yoki sevgi rashkni o‘ldiradi. Buni turk seriallari yulduzlari yaxshi bilishadi, chunki ish paytida ularni bu tuyg‘u doimo ta’qib qiladi. Filmdagi partnyori ham ijodkor ekanligini hamma ham qabul qila olmaydi. Bunday tushunmovchiliklar tufayli ba’zan loyihalarni suratga olish jarayonida rashk tufayli jiddiy janjallar yuzaga keladi, bu esa suratga olish jarayonini sekinlashtiradi yoki izdan chiqaradi.

Tuba Buyukustun va Kivanch Tatlitug‘

“Jasur va go‘zal” filmining suratga olish ishlari juda qiyin kechadi. Tomoshabinlar bosh qahramonlarning mehr-muhabbatidan bahramand bo‘lishsa-da, ularni ijro etgan aktyorlar bir-biriga bo‘lgan nafratini yengishga harakat qilishadi. Bu ikki tuyg‘u bir-biriga juda yaqin, degan fikr haqiqatga o‘xshaydi. Boshqa tomondan, yangi epizodlar chiqishi bilan loyiha muxlislari qahramonlar o‘rtasida sovuqlikni seza boshladi. Bu bekorga emas edi.

Kivanchning rafiqasi Bashak Dizer erini Tubadan qattiq rashk qiladi. U loyihada liboslar bo‘yicha dizayner bo‘lib ishlagan va ssenariy unga yoqmagan. Shu sababli u Tubaning har bir harakatini kuzatib yurgan.

Rejissyorlar hatto mojaroni kuchaytirmaslik uchun bo‘sa olish sahnalarini kamaytirishga qaror qiladi. Va bu serialga ta’sir qiladi, chunki bu romantik sevgi hikoyasi edi. “Jasur va go‘zal” loyihasini suratga olish ishlari tugagach, Tuba va Kivanchning yo‘llari suratga olish maydonchasida umuman kesishmaydi.

Burak O‘zchivit va Neslihan Atagul

Rashk hatto eng muvaffaqiyatli loyihani buzishi mumkinligiga Burak O‘zchivit va Neslihan Atagul o‘rtasidagi mojaro yaxshi misol bo‘la oladi. Serialda bosh rollarni o‘ynagan aktyorlarning turmush o‘rtoqlari Kemal va Nihanning sevgi hikoyasiga nuqta qo‘yadi.

Janjalkash va rashkchiligi bilan tanilgan Fahriye Evjen eriga ultimatum qo‘yadi — filmda bo‘sa olish yoki quchoqlashish sahnalari umuman bo‘lmaydi. Aks holda, u suratga olish joyida katta janjal keltirib chiqarishi bilan tahdid qiladi. Tabiiyki, rejissyorlar yon berishga va barcha romantik daqiqalarni olib tashlagan holda ssenariyni qayta yozishga majbur bo‘ladi. Serialning ikkinchi qismini suratga olish nafaqat aktyorlar, balki butun jamoa uchun haqiqiy sinovga aylanadi. Aktyorlar rashkchi turmush o‘rtoqlar o‘rtasidagi nizolarni oldini olish uchun alohida suratga tushishlari kerak edi.

Neslihanning turmush o‘rtog‘i Kadir Do‘g‘ulu ham Fahriye Evjen bilan hamfikr edi, shuning uchun u ham tez-tez suratga olish maydonchasiga kelib, ularni kuzatadi. Biroq bir-biridan alohida suratga tushgan bo‘lsa ham Neslihan Atagul va Burak O‘zchivit rollarini shu qadar ishonchli ijro etishga muvaffaq bo‘ladiki, ularning loyihadan tashqaridagi munosabatlari haqidagi mish-mishlar keyin ham tarqalishda davom etadi.

Halit Ergench va Merem Uzerli

“Muhtasham yuz yil” serialini ham suratga olish oson bo‘lmagan. Sulton Sulaymon rolini ijro etgan Halit Ergenchning rafiqasi Merem Uzerli bilan partnyor bo‘lganidan unchalik mamnun emasdi. Aytishlaricha, Berguzar Korel o‘ta rashkchi, shuning uchun u oilasini har qanday yo‘l bilan himoya qiladi. Ehtimol, bu aktrisaning “1001 kecha” serialini suratga olish paytida oilali Halit Ergenchni o‘ziga qaratib olgani bilan bog‘liqdir, balki xuddi shunday voqea o‘zi bilan ham sodir bo‘lishidan qo‘rqqandir.

“Muhtasham yuz yil” suratga olinayotganida Berguzarning asablari batamom tugaydi. O‘sha paytda ayol Sulaymonning Xurram bilan ehtirosli quchoqlashlarini va bo‘sa olishlarini ko‘rib, o‘zini bazo‘r ushlab turadi. Eri esa xotini suratga olishga xalaqit bermasligi uchun barcha imkoniyatlarini ishga solishiga to‘g‘ri keladi. Serial ijodkorlari hatto unga kichik, ammo muhim obraz — Monika Gritti rolini beradi. Bu rol unga erini doimiy ravishda kuzatishni davom ettirishiga imkon yaratadi.

Ersin Ariji va Beril Pozam

“Qo‘rg‘on sirlari” yulduzlari haqida bir nima deyish qiyin, lekin serialning ikkinchi mavsumida Taro Emir Tekin va Beril Pozam o‘rtasidagi romantik sahnalarning jiddiy qisqarishiga rashkchi Abidin sababchi bo‘lgan. Uning Beril bilan uchrashayotgani birinchi mavsum tugaganidan keyin ma’lum bo‘ladi. Ammo voqealar rivojlanishi uchun Suna Feritni haydovchi bilan qolmasligi, unga yangi yigit topishi kerak edi. Bu yigit bosh qahramon Kayaning amakivachchasi bo‘ladi, u bilan munosabatlar dastlab o‘zaro manfaatli kelishuvga asoslanadi.

Bir oz vaqt o‘tgach, internetda Beril Pozam Taro bilan bo‘sa olish sahnalarida suratga tushishdan bosh tortgani haqida xabar paydo bo‘ladi, chunki Ersin shuni deb janjal qiladi. “Qo‘rg‘on sirlari” muxlislari qahramonlar o‘rtasida hissiyot yetishmayotganini aniq payqashadi. Qisqasi, Ersin Arijining rashki serial voqealariga ham ta’sir qiladi.

Hande Erchel va Murat Dalkilich

Hande Erchel Murat Dalkilich bilan anchadan beri munosabatda bo‘lgan, ammo Kerem Bursin bilan “Qalbim eshigini qoq” serialida suratga tushganidan keyin birdaniga ularning sevgisi g‘oyib bo‘ladi. Ba’zilar bu shunchaki bema’ni tasodif ekanligiga ishonadi, lekin bunga aktrisa yigitining rashki sabab bo‘lgan deydiganlar ham bor. Bularning barchasi loyihaning birinchi qismidagi bo‘sa olish sahnasidan keyin sodir bo‘ladi, Kerem va Hande bu sahnada shunchaki rol o‘ynamay, butun vujudi bilan kirishib ketishadi.

Aktyorlar bu mish-mishlarni rad etadi, Murat hammasini tushunishi kerak — chunki uning o‘zi ham aktyor va ssenariy ba’zida aktyorlarni shunday munosabatda bo‘lishga majbur qilishini biladi. Rejissyor ham suratga olish maydonchasida partnyorlarni “to‘xtatishga” qo‘lidan kelganicha harakat qiladi. Demak, mish-mishlarda haqiqat bo‘lishi mumkin. “Zamin” yangiliklarini “Vkontakti”da kuzatib boring