Imomali Rahmon MDH faoliyatida oʻzgarishlar boʻlishini e'lon qildi

^{Foto: Rossiya segodnya}
2025 yil 1 yanvardan MDH raisligi Rossiyadan Tojikistonga oʻtadi, bu haqdagi qaror 8 oktyabr kuni Hamdoʻstlik davlat rahbarlarining sammitida qabul qilindi.

Tojikiston prezidenti Imomali Rahmon Moskvada sakkiz davlat: Tojikiston, Qozogʻiston, Ozarboyjon, Armaniston, Qirgʻiziston, Oʻzbekiston, Turkmaniston va Belarus rahbarlari uchrashgan sammitda soʻzga chiqib, Tojikistonning MDH raisligidagi ustuvor yoʻnalishlarini taqdim etdi.

Uning soʻzlariga koʻra, asosiy ustuvor yoʻnalishlaridan biri Hamdoʻstlik faoliyatini takomillashtirish masalasi boʻyicha muhokamani boshlash boʻladi.

Siyosiy jihatdan mintaqaviy birlashma sifatida jahon miqyosida MDH ijobiy imijini rivojlantirish boʻyicha ishlar davom ettiriladi.

Shuningdek, u iqtisodiy, ekologik, madaniy-gumanitar masalalarni ilgari surishga ham alohida e'tibor qaratishini ta'kidladi.

Tojikiston prezidenti Ikkinchi jahon urushidagi gʻalabaning 80 yilligini nishonlashga jiddiy e'tibor qaratishini ma'lum qildi.

Parlament hamkorligini rivojlantirish ham muhim ustuvor yoʻnalish sifatida belgilandi.

Imomali Rahmon xavfsizlik sohasida xavf va tahdidlarga qarshi kurashda amaliy hamkorlikni mustahkamlashga alohida e'tibor qaratishini ta'kidladi.

U oʻz soʻzi yakunida joriy uchrashuvda qabul qilingan qarorlar barcha sohalarda koʻp tomonlama hamkorlikka turtki berishiga ishonch bildirdi. “Zamin” yangiliklarini “Telegram”da kuzatib boring