Suriyaning murakkab janubi yana xalqaro e’tibor markazida. SANA davlat agentligining ma’lumotlariga ko‘ra, hukumat va mahalliy aholi vakillari o‘rtasida olib borilgan muzokaralar natijasida Suvayda shahridagi qariyb 1500 badaviy tinch aholi evakuatsiya qilina boshladi. Pikap va mikroavtobuslar yordamida odamlarni xavfsiz hududlarga olib o‘tish jarayoni amalga oshirilmoqda, deb xabar berdi sana.sy.
Germaniyaning dpa agentligi ham evakuatsiya qilish harakati keng ko‘lamda o‘tib, birinchi navbatda, 350 nafar inson qo‘shni Dara viloyatiga yetkazib berilganini ma’lum qildi. Suriya hukumati rasmiylari bu operatsiyani “tinchlik va murosa sari qo‘yilgan qadam” sifatida baholamoqda.
Ichki ishlar vazirligi rahbari Ahmad al-Dalatiy aytishicha, so‘nggi kundagi halokatli to‘qnashuvlardan so‘ng, hukumat asosiy maqsadni yangi janglarning oldini olish va mintaqada barqarorlikni tiklash deb biladi. Shu sabab, Suvaydani tark etgan aholiga o‘z uylariga qaytish uchun imkoniyat yaratilishi rejalashtirilmoqda.
19 iyul kuni muvaqqat prezident Ahmad al-Sha’ra idorasi tomonidan «zudlik bilan o‘t ochishni to‘xtatish» haqida rasmiy bayonot e’lon qilindi, biroq ayrim manbalarga ko‘ra, ba’zi janglar hali ham davom etgan. 20 iyul kuni esa, asosan darziylar istiqomat qiluvchi Suvayda shahri to‘liq ularning nazoratiga o‘tgani haqida ma’lumotlar tarqaldi.
Ekspertlar fikricha, hozirgi evakuatsiya va tinchlik muzokaralari mintaqada uzoq kutilgan barqarorlikka yo‘l ochishi, insonlarning hayotini asrashga xizmat qilishi mumkin. Bugungi vaziyat, bir tarafdan, noaniqlik va xavotirni kuchaytirsa-da, ikkinchi tarafdan, murosa va tinchlikka intilishning muhim bosqichi sifatida qayd etilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
