Markaziy saylov komissiyasi raisi Ella Pamfilova yaqinda o‘tkazilgan mintaqaviy saylovlar natijalariga izoh berar ekan, internet haqida keskin bayonot qildi. Uning fikricha, internet Rossiya uchun mutlaqo do‘stona bo‘lmagan global tarmoq hisoblanadi.
Pamfilova bu gapni «GAS Vibori 2.0» axborot tizimi haqida so‘z yuritar ekan bildirdi. Uning ta’kidlashicha, saylov tizimining kiberhujumlarga chidamliligi sababi — uning internetdan to‘liq avtonom holda ishlashidadir. «Bu bizga do‘stona bo‘lmagan global o‘rgimchak to‘ri», – dedi MSK raisi.
Rossiyada o‘tgan uch kunlik saylovlar yakunlari e’lon qilindi. Uning doirasida turli darajadagi 47 mingga yaqin deputat saylandi. Shuningdek, 21 gubernator hamda 11 hududda qonun chiqaruvchi organlarning yangi tarkibi belgilandi.
SIK ma’lumotlariga ko‘ra, ovoz berish natijalariga ko‘ra 19 hududda va anneksiya qilingan Sevastopolda amaldagi rahbarlar g‘alaba qozondi. Barcha g‘olib nomzodlar «Yedinaya Rossiya» partiyasidan bo‘lib, faqat Chuvashiya rahbari Oleg Nikolayev mustaqil nomzod sifatida ishtirok etdi va 67,06 foiz ovoz bilan g‘alaba qozondi.
Pamfilova qayd etganidek, ovoz berishda umumiy davomat taxminan 47 foizni tashkil etgan. Uning ma’lumoticha, saylovoldi tadbirlarida 26 milliondan ortiq fuqaro ishtirok etgan. Shu bilan birga, komissiya saylov jarayonida ovoz berish natijalariga ta’sir qilishi mumkin bo‘lgan jiddiy mojarolar qayd etilmaganini ta’kidladi.
Shu tariqa, Rossiyadagi saylov tizimi internetdan uzoq holda ishlayotgani va bu kiberxavfsizlikni ta’minlayotgani MSK tomonidan yana bir bor urg‘u bilan qayd etildi.
“Zamin”ni Telegramʻda oʻqing!
