Ma’lumki, shu paytga qadar Rossiyadagi jinoyatchilar dunyosida Zaxariy Kalashov, «Shakro Molodoy» laqabi bilan mashhur o‘g‘riboshi «avtoritet» hisoblanardi. Ammo u politsiyachilar tarafidan qo‘lga olingan. Uni uyushgan jinoyat to‘dasiga yetakchilik qilganlik, qotillik, uyda noqonuniy tarzda qurol asraganlik, narkotik moddalar savdosida ayblashgan.
Demak, endi sobiq o‘g‘riboshi uzoq vaqt turmada o‘tirishga majbur bo‘ladi. Shuni hisobga olgan jinoyatchi to‘dalar yetakchilari asosiy «avtoritet» sifatida 42 yoshli o‘g‘riboshi Kaxaber Parpaliy (Kaxa Galskiy) ni tanlashdi. U Shakro Molodoyning eng yaqin hamtovoqlaridan biri hisoblanib, jinoyat olamining hisob-kitob ishlarini yurgazib kelgan.
Aslida jinoyatchilar o‘zlarining doirasida «saylov» tashkil etishgandi. Saylovda bir necha jinoyatchi «avtoritet»likka da’vogarlik qilgan. Ammo bu Shakro Molodoyga yoqmaganmish. U SIZO dan turib hamtovoqlariga maktub yo‘lladi va saylovsiz Kaxa Galskiyni tayinlash zarurligini uqtirdi. Shunday qilib Kaxa Galskiy Rossiya jinoyatchilarining asosiy yetakchisi sifatida tanlandi.
Rasmiy xabarlarga qaraganda, Kaxa 1975 yili tug‘ilgan. 1999 yili Moskvada «Qonundagi o‘g‘ri» «toj»ini kiygan. Bungacha huquqni muhofaza qilish tashkiloti vakillari Kaxani ko‘p marotaba qo‘lga olishgan va uni jinoyatning deyarli barcha turlarida ayblashgan. Afsuski, har gal turmadan tez orada chiqib ketish unga nasib etavergan.
Hozirgi kunda Rossiya tergov qo‘mitasi xodimlari unga qarshi ish olib borishmoqda. Umid qilamizki, Kaxa ham Shakro kabi bir kunmas bir kun albatta qilmishlariga yarasha jazosini oladi.
Manba: Hordiq.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Revanshda g‘alaba qozonish uchun Tayson Fyuriga nima kerak?
Shavkat Mirziyoyev Saudiya Arabistoni energetika vazirini qabul qildi
1 dekabrdan ichimlik va oqova suv uchun to‘lov faqat elektron shaklda amalga oshiriladi
Shols «tez orada» Putin bilan gaplashishga tayyorligini ma’lum qildi
