Merab Dvalishvili UFCdagi eng kuchli uchlikka kimlarni kiritdi?

UFC olamidagi kurashlar har doim e’tibor markazida bo‘ladi. U yerdagi har bir chempionlik jangi, har bir g‘alaba tarixga aylanadi. Ana shunday sportchilardan biri — Merab Dvalishvili. U o‘ta yengil vazn toifasidagi chempion sifatida nafaqat ringda, balki tahlilda ham o‘z so‘zini aytmoqda.

Janubiy Kavkazning g‘ururi, Gruziyalik Dvalishvili yaqinda mashhur jurnalist Ariel Xelvanining podkastida qatnashib, UFC'ning hozirgi kundagi eng kuchli uch nafar jangchisini sanab o‘tdi. Uning fikricha, bu ro‘yxatda birinchi o‘rinda Iliya Topuriya turadi. Dvalishvili ta’kidlashicha, Topuriya uchta chempionlik jangida zafar quchgan va ikki kamarni qo‘lga kiritgan holda juda kuchli sportchiga aylangan.

Ikkinchi raqamda Islom Maxachev zikr etildi. Uning o‘sish dinamikasi va janglardagi bosiqlik, strategiyasiga Dvalishvili baland baho berdi. Shu bilan birga, Islomning yarim o‘rta vazn toifasida ham o‘zini namoyon etishi mumkinligini qayd etdi.

Uchinchi o‘rin esa Aleksandr Pantojaga berildi. Bu jangchi haqida Merab shunday dedi: “Uning divizionida u bilan bellashadigan darajadagisi topilmaydi. Uning texnik mahorati va jangdagi intuitsiyasi juda yuqori.”

Ma’lumot uchun, Iliya Topuriya so‘nggi "UFC 317" turnirida Charlz Oliveyra kabi kuchli raqibni mag‘lub etgan va yengil vazn toifasidagi bo‘sh turgan chempionlik kamarini egallagan edi.

Maxachev esa allaqachon o‘z divizionida mutlaq ustunlikni ta’minlagan. Uning har bir jangidan kuch va tajriba seziladi.

Pantoja esa o‘ziga xos uslubda harakat qiluvchi, raqibning harakatlarini oldindan his qila oladigan sportchi sifatida tobora ommalashmoqda.

UFC olamida bunday tahlillar muxlislar uchun juda qiziqarli. Har bir jangchi muxlislar qalbidan o‘rin olishi uchun juda ko‘p mehnat qiladi. Dvalishvilining bu gaplari esa, aynan shu mehnat va natijaning haqqoniy tan olinishidir.

Endilikda muxlislar Iliya, Islom va Aleksandrning navbatdagi janglarini katta qiziqish bilan kutmoqda. Zero‘dan boshlab yulduzga aylangan bunday sportchilar sport olamida ilhom manbai bo‘lib qolmoqda. “Zamin”ni Telegramʻda oʻqing!