Ispaniya chempionatining 25-turini yakunlab bergan uchrashuvda «Alaves» o'z maydonida «Jirona»ni qabul qildi. Bu haqda euro-football.ru xabar beradi.
Bahsning 5-daqiqasida Yussef Enrikes to'pni olib qo'yib, Lukas Boyeni qulay vaziyatga chiqarib yubordi va hujumchi hisobni ochdi — 1:0. Birinchi bo'lim o'rtalarida Antonio Martines farqni oshirishi mumkin edi, biroq uning bosh bilan yo'llagan zarbasi nishonga bormadi. Oradan ko'p o'tmay, burchak to'pidan keyin Aksel Vitsel bosh bilan pas uzatdi, Vladislav Vanat esa jarima maydonida aniq yakunlab, muvozanatni tikladi — 1:1.
73-daqiqada «Jirona» tezkor hujum uyushtirdi: Azzedinn Unahi Viktor Tsigankov uchun ideal vaziyat yaratib berdi va mehmonlar oldinga chiqib oldi — 1:2. Keyinroq Unahining o'zi ham qarshi hujumda gol urishga yaqin keldi, ammo darvozabon zarbani qaytardi. Shunga qaramay, «Alaves» oxirigacha kurashdi: 89-daqiqada Viktor Paradaning uzatmasidan keyin Lukas Boye bosh bilan yana gol urib, uchrashuvga durang tamg'asini bosdi — 2:2.
Ushbu natijadan so'ng «Jirona» turnir jadvalida 11-o'rinda bormoqda, «Alaves» esa uch ochko ortda qolgan holda 14-pog'onani egallab turibdi.
“Zamin”ni Telegramʻda oʻqing!
