Volfsburgdagi gʻalabadan soʻng Bavariya yosh futbolchisi Tom Bischof intervyu berdi, biroq uning jamoa oʻyini haqidagi fikrlari bosh murabbiy Vincent Kompanyga maʼqul kelmadi. Yosh yarim himoyachi jamoaning yuqori pressing tizimida muammolar borligini va toʻp yoʻqotilgandan soʻng uni qaytarib olishda sustkashlikka yoʻl qoʻyilayotganini taʼkidladi. Bu haqda Goal.com xabar beradi.
Bischofning soʻzlariga koʻra, jamoa pressing tufayli koʻp gol urayotgan boʻlsa-da, himoyada juda koʻp xatolarga yoʻl qoʻymoqda va bu ortiqcha masofani bosib oʻtishga majbur qilmoqda. Uning fikricha, Bavariya soʻnggi oʻyinlarda himoyaviy tartibni saqlashda qiynalmoqda.
Biroq, Vincent Kompany yosh shogirdining bu tanqidiga keskin munosabat bildirdi. Murabbiy Bischof intervyuda xatoga yoʻl qoʻyganini taʼkidlab, muammo pressing istagida emas, balki toʻpga egalik qilishdagi tartibsizlikda ekanligini tushuntirdi.
Kompanyning soʻzlariga koʻra, agar jamoa toʻpni tez-tez yoʻqotsa, doimiy ravishda pressing uyushtirishning iloji yoʻq, chunki bu futbolchilarning jismoniy holatiga salbiy taʼsir qiladi. Murabbiy ikkinchi boʻlimda Bavariya nazoratni qoʻlga olganini aynan toʻp bilan muomala qilishdagi yaxshilanish bilan izohladi.
“Zamin”ni Telegramʻda oʻqing!
