Volfsburgdagi gʻalabadan soʻng Bavariya yosh futbolchisi Tom Bischof intervyu berdi, biroq uning jamoa oʻyini haqidagi fikrlari bosh murabbiy Vincent Kompanyga maʼqul kelmadi. Pari Sen-Jermen bilan Chempionlar ligasidagi muvaffaqiyatsizlikdan soʻng, myunxenliklar himoyadagi muammolar bilan toʻqnash kelishmoqda. Bu haqda Goal.com xabar beradi.
Bischof Sky telekanaliga bergan intervyusida jamoaning yuqori pressing tizimida kamchiliklar borligini va toʻpni yoʻqotgandan soʻng uni qaytarib olishda sustkashlik kuzatilayotganini taʼkidladi. 20 yoshli futbolchining soʻzlariga koʻra, aynan shu sababli jamoa himoyada koʻp gol oʻtkazib yubormoqda.
Biroq, Vincent Kompany shogirdining bu fikrlariga keskin qarshi chiqdi. Murabbiy yosh futbolchini intervyuda xatoga yoʻl qoʻyganlikda ayblab, muammo pressing istagida emas, balki toʻpga egalik qilishdagi tartibsizlikda ekanligini tushuntirdi.
Kompanyning taʼkidlashicha, agar jamoa toʻpni tez-tez yoʻqotsa, doimiy ravishda pressing qilish imkonsiz va bu futbolchilarning jismoniy holatiga salbiy taʼsir qiladi. Bavariya ikkinchi boʻlimda toʻp nazoratini qoʻlga olgachgina oʻyinni oʻz foydasiga hal qila oldi.
“Zamin”ni Telegramʻda oʻqing!
