OFK Kubogi yarim final bosqichidan o‘rin olgan bahsda "Nasaf" Gong Kongning "Li Man" klubini 3:2 hisobida mag‘lub etib, final yo‘llanmasini qo‘lga kiritdi. O‘yindan keyin tashkil etilgan matbuot anjumanida mehmonlar ustozi Chan Xyu Ming ishtirok etdi va quyidagi fikrlarni bildirib o‘tdi:
"Birichni bo‘lib, "Nasaf"ni o‘ta muhim g‘alaba va final yo‘llanmasi bilan tabriklamoqchiman. Xulosalarim, ular bizdan kuchliroq ekan. Bugungi raqibimiz texnik tomondan ancha kuchli jamoa ekanligini bilardik.
Biz maydonda borimizni berdik. Agar xato tufayli tezkor gol o‘tkazib yubormaganimizda, mag‘lub bo‘lmasligimiz mumkin edi. Chunki asosiy vaqt yakunida tablodagi hisob 2:2 edi. Hatto, g‘alaba qozonishga ham imkoniyatimiz bo‘ldi.
Raqib to‘p bilan yaxshi muomala qildi. Bu borada ham ularda ustunlik bor. O‘yin oldidan o‘z vaziyatlarimizdan maksimal foydalanishga majburligimizni bilardik. Umuman olganda, bugun chiroyli futbol guvohiga aylandik.
Yana bir jihatga e’tiboringizni qaratishingizni so‘rar edim. Agar yarim final ikki o‘yindan iborat bo‘lib, Gong Kongda javob uchrashuvi o‘tkazilsa, boshqacha natija bo‘lishi ham mumkin edi. Menimcha, bunday musobaqalarning hal qiluvchi bosqichi uy-safar tizimida o‘tkazilishi lozim.
Raqibimizda kuchli jamoa va yaxshi murabbiy bor. O‘ylaymanki, bu ularga hal qiluvchi bahsda ham qo‘l keladi. "Nasaf" finalda bu murabbiy bilan chempion bo‘la olishiga ishonchim komil!
O‘yin uchun tuzilgan rejamiz aniq edi. Mudofaani mustahkam ushlab, qarshi hujumlardan maksimal foydalanmoqchi edik. Afsuski, tezkor gol barchasini o‘zgartirib yubordi. Bir jihatga e’tibor bersangiz, "Li Man" tashkil topganiga 4 yil bo‘ldi. Ko‘pchilik bizni OFK kubogida bunday kurasha olishimizni kutmagandi.
Menimcha, biz hurmatga sazovor bo‘la oldik va turnirni boshimizni tik tutgan holda tark etyapmiz". “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Qaysi kundalik odatlar immunitet pasayishiga olib kelishini bilasizmi?
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Eron prezidenti jiddiy bayonot berdi: «Isroildan hech narsa qolmaydi»