Futbol bo‘yicha Yevropa Chempionlar Ligasining so‘nggi, 6-turidan o‘rin olgan uchrashuvlar 8 dekabr, chorshanba kuni bo‘lib o‘tdi
E guruhining hal qiluvchi o‘yinida «Barselona» safarda «Bavariya» maydoniga safar qildi va o‘z darvozasidan javobsiz 3 ta to‘p o‘tkazib yubordi. 34-daqiqada Tomas Myuller Robert Levandovskining uzatmasini darvozaga joylab qo‘ydi. Birinchi bo‘lim so‘ngida esa Leroy Sane uzoq masofadan kuchli zarba yo‘llab, oradagi farqni oshirdi.
Ikkinchi bo‘limda ham mezbonlar Xavi boshqaruvidagi «Barselona» darvozasini ishg‘ol etishning uddasidan chiqdi: 62-daqiqada Jamol Musiala ham o‘z nomini tabloga yozdirib qo‘ydi. Ushbu vaziyatda Alfonso Devis to‘pni Musialaga yetkazib berayotgan vaqtda to‘p maydondan chiqib ketgani ko‘rindi. Biroq uchrashuv hakami golni inobatga oldi.
Shu tariqa «Barselona» 2000/01 yilgi mavsumdan beri ilk marta YECHL pley-off bosqichida qatnashmaydi. Endilikda jamoa Yevropa Ligasida o‘z ishtirokini davom ettiradi.
Guruhning ikkinchi o‘yinida «Benfika» «Dinamo K»ni yengdi va ikkinchi o‘rin bilan keyingi bosqich masalasini hal qildi.
E guruhidagi yakuniy holat
Skrin: UYEFA
O‘tgan turda keyingi bosqich masalasini hal qilgan «Manchester Yunayted» «Yang Boyz» bilan 1:1 hisobidagi durangga imzo chekdi. Mazkur uchrashuvda «Manchester Yunayted» hujumchisi Krishtianu Ronaldu maydonga tushmadi.
«Atalanta» – «Vilyarreal» bahsi esa noqulay ob-havo tufayli qoldirildi. Uchrashuv 9 dekabr kuni o‘tkaziladi.
Shuningdek, yana bir qancha guruhlarda so‘nggi tur o‘yinlari o‘tkazildi va Chempionlar Ligasining 15 ta pley-offchisi nomi ma’lum bo‘ldi. Ular quyidagilar: «Liverpul», «Ayaks», «Bavariya», «Yuventus», «Manchester Yunayted», «Chelsi», «Inter», «Real Madrid», «Manchester Siti», «PSJ», «Sporting», «Atletiko», «Benfika», «Lill» va «Zalsburg». Keyingi bosqichga yo‘l olgan 16-jamoa nomi «Atalanta»— «Vilyarreal» o‘yinidan keyin aniq bo‘ladi.
«Bavariya» Germaniya – «Barselona» Ispaniya 3:0
Gollar: 1:0 – 34 Myuller, 2:0 – 43 Sane, 3:0 – 62 Musiala.
«Bavariya» – Noyer, Pavar, Zyule (Nyanzu, 78), Upamekano, Devis (Richards, 71), Tolisso (Roka, 60), Musiala, Myuller, Levandovski (Tillman, 77), Koman (Sarr, 71), Sane.
«Barselona» – ter Stegen, Arauxo, Pike, Langle, Alba (Mingesa, 31), Buskets, de Yong (Puch, 73), Gavi (Demir, 86), Dest (Niko Gonsales, 46), Depay, Dembele (Koutino, 73).
Ogohlantirishlar: Buskets (3), Arauxo (16), Richards (82).
«Benfika» Portugaliya – «Dinamo K» Ukraina 2:0
Gollar: 1:0 – 16 Yaremchuk, 2:0 – 22 Jilberto.
«Manchester Yunayted» Angliya – «Yang Boyz» Shveysariya 1:1
Gollar: 1:0 – 9 Grinvud, 1:1 – 42 Rider.
«Manchester Yunayted» – Henderson (Hiton, 68), Uan-Bissaka, Matich, Bayi, Shou (Menji, 61), Mata (Sevij, 89), Lingard (Ikbal, 89), van de Bek, Diallo (Shortayr, 68), Grinvud, Elanga.
«Yang Boyz» – Fevr, Maseras, Lustenberger, Kamara (Lauper, 77), Lefor, Ngamale, Rider (Xefti, 62), Martins Pereyra, Ebisher (Serro, 62), Sebatsho (Kanga, 62), Elia (Mayer, 87).
Ogohlantirish: Shortayr (79).
«Volfsburg» Germaniya – «Lill» Fransiya 1:3
Gollar: 0:1 – 11 Yilmaz, 0:2 – 72 Devid, 0:3 – 77 Gomes, 1:3 – 89 Shteffen.
«Zalsburg» Avstriya – «Sevilya» Ispaniya 1:0
Gol:1:0 – 50 Okafor. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
