Ўзбекистон мактабларида баҳорги таътил санаси расман эълон қилинди
Ўзбекистондаги мактабларда баҳорги таътил Ramазон Ҳайит муносабати билан 20 мартдан бошланиб, 28 мартгача давом этади. 2025—2026 ўқув йилининг 4-чораги 30 март, душанба кунидан бошланади. 20 март ва 28 март кунларига мўлжалланган дарслар 4-чорак давомида ўқув дастурига қўшимча равишда жойлаштирилиб, тиғизлаштирилган тартибда ўтказилади.
Ўзбекистонда мактаб ўқувчилари учун баҳорги таътил санаси аниқ бўлди. Бу йил таътил Рамазон Ҳайит муносабати билан 20 март кунидан бошланади.
Мактабгача ва мактаб таълими вазирлиги маълумотига кўра, ўқувчилар 28 мартга қадар дам олиш имкониятига эга бўлади. Шу тариқа, мактаб ўқувчилари бир ҳафтадан ортиқ вақт давомида таътилга чиқиб, куч тўплаш имконига эга бўлишади.
Мутахассислар таъкидлашича, баҳорги таътил нафақат дам олиш, балки ўқувчиларнинг соғлигини тиклаш ва янги чоракка тайёргарлик кўриш учун ҳам муҳим аҳамиятга эга.
Маълум қилинишича, 2025—2026 ўқув йилининг 4-чораги 30 март куни, душанбадан бошланади. Таътил якунлангач, дарс жараёнлари одатий тартибда давом эттирилади.
Шу билан бирга, таътил кунларига тўғри келган айрим ўқув машғулотлари ҳам эътибордан четда қолмайди. Хусусан, 20 март (жума) ва 28 март (шанба) кунларига мўлжалланган дарслар кейинчалик 4-чорак давомида ўқув дастурига қўшимча равишда жойлаштирилиб, тиғизлаштирилган тартибда ўтказилади.
Изоҳлар 0
…