АҚШ Президенти Доналд Трампнинг Ғазо учун тинчлик режасига Ҳамаснинг жавоби аҳолида катта ҳайрат уйғотди. Кўплаб Фаластинликлар ижтимоий тармоқларда “Уруш тугадими?” ёки “Бу тушми ёки ҳақиқатми?” деган саволлар билан мурожаат қилмоқда.
Ҳамас баёнотида тўлиқ рад этиш йўқ. Маҳбусларни озод қилиш ва Ғазо бошқарувини фаластинлик мутахассисларга топшириш бўйича Трампнинг шартларини қабул қилган, аммо бошқа бандларга аниқ жавоб бермаган.
Трамп баёнот эълон қилгач, Ҳамас тинчликка тайёр, деб ёзди ва Исроилни бомбардимонни тўхтатишга чақирди. Аҳоли орасида реакциялар турлича: айримлар умид қилмоқда, бошқалар эса шубҳа билан қарамоқда.
Фаластинликлар натижани кутмоқда. Баъзилари бу имконият урушни тугатади, деб умид қилмоқда, бошқалар эса Ҳамас тузоққа тушиши ва уруш давом этиши мумкин, деб ўйламоқда.
“Zamin”ни Telegram'да ўқинг!
