Majburiy ijro byurosining Beshariq tumani bo‘limi ish yurituvida “BR” MCHJdan Davlat soliq inspeksiyasi foydasiga 6 milliard so‘m undirish bilan bog‘liq ijro hujjati mavjud.
Ijro harakatlari davomida qarzdor korxona balansida bo‘lgan “Nexia-3” rusumli avtomobil (davlat raqami 40 129*) qidiruvga berilgan edi. Mazkur transport vositasi qarzdorlikni undirish jarayonida muhim mol-mulk sifatida ko‘rilgan.
O‘tkazilgan tezkor tadbirlar natijasida mazkur avtomobil egasi tomonidan hiyla ishlatilgani ma’lum bo‘ldi. Aniqlanishicha, avtomobilning davlat raqami noqonuniy tarzda *40 732 ga almashtirilgan va transport vositasi shu raqam bilan yo‘llarda harakatlanib yurgan.
Majburiy ijro byurosi xodimlari tomonidan olib borilgan tekshiruvlar davomida ushbu avtomobil to‘xtatilib, belgilangan tartibda jarima maydoniga joylashtirildi.
Hozirda mazkur holat yuzasidan qonunchilikka muvofiq tegishli choralar ko‘rilmoqda. Ijro jarayonlari esa davom ettirilmoqda.
Читайте «Zamin» в Telegram!
