Англиянинг Ливерпуль шаҳрида ўтаётган катталар ўртасидаги жаҳон чемпионати борасида яна бир қувончли янгилик!
-90 кг вазн тоифасида юртимиз шарафини ҳимоя қилаётган Тўрабек Ҳабибуллаев Испания спортчиси Энмануэл Рейес Пла билан юзма-юз тўқнашди. Ушбу беллашув жуда кескин, муросасиз ва шиддатли ўтди. Ҳар икки боксчи финал йўлланмаси учун бор имкониятини ишга солди.
Ҳабибуллаев эса ўзининг тажрибаси, кучли зарбалари ва аниқ ҳаракатлари орқали ҳакамларнинг эътиборини тўлиқ қозонди. Уч раундлик баҳс якунига кўра, юртдошимиз 4:1 ҳисобида ғалабани қўлга киритиб, финал йўлланмасига эга чиқди.
Эндиликда юртимиз вакилини финалда янада масъулиятли, ўта кескин тўқнашув кутиб турибди. Бу натижа нафақат спортчи, балки бутун Ўзбекистон бокси учун катта ғалаба ҳисобланади.
Эслатиб ўтамиз, чемпионатда бизнинг яна бир ҳамюртимиз Жаҳонгир Зокиров Хитой спортчиси Данабике Байикевузига қарши ҳал қилувчи баҳс олиб боради.
Тошкентдан юракдан қувватлаймиз: финалда ҳам ғалаба, Тўрабек!
«Замин»ни Telegram’да ўқинг!
