Ла Лиганинг 11-турида Мадриднинг "Реал" клуби ўз майдонида "Валенсия"ни қабул қилади. Ушбу учрашув учун жамоаларнинг тахминий асосий таркиби қуйидагича.
"Реал": Куртуа (дарвозабон), Каррерас, Хойсен, Милитао, Александр-Арнольд, Гюлер, Тчуамени, Жуд Беллингем, Родриго, Мбаппе, Мастантуоно. "Валенсия": Агирресабала (дарвозабон), Гайя, Копете, Таррега, Коррейя, Диего Лопес Ногероль, Пепелу, Герра, Риоха, Бельтран, Данжума.
"Реал" сафида Андрей Лунин дисквалификация қилинган бўлса, Дани Карвахаль, Давид Алаба ва Антонио Рюдигер жароҳат туфайли ўйинда иштирок эта олмайди. "Валенсия"да эса Мухтар Дьякаби, Филип Угринич, Ларжи Рамазани ва Димитри Фулкье жароҳатлар сабаб майдонга туша олмайди.
Олдинги турда "Реал" "Барселона"ни 2:1 ҳисобида мағлубиятга учратган бўлса, "Валенсия" "Вильярреал"га 0:2 ҳисобида имкониятни бой берди. Турнир жадвалида "Қироллик клуби" 27 очко билан биринчи ўринда, "Қўршапалаклар" эса атиги уч баробар кам баллга эга.
"Реал" ва "Валенсия" ўртасидаги ўйин бугун, 1-ноябрь куни Тошкент вақти билан соат 01:00 да "Сантьяго Бернабеу" стадионида бошланади. Ушбу учрашувнинг матнли жонли трансляциясини ўтказиб юборманг.
