Францияда "ПСЖ" дарвозабони Матвей Сафонов билан боғлиқ вазиятда Россия ОАВнинг "излари" кўрилган. Football365 сайтида журналист Антуан Клер томонидан Россия дарвозабонининг ўйини ва у ҳақидаги маҳаллий ОАВнинг реакциясига бағишланган мақола чоп этилди.
Клернинг таъкидлашича, Россия ОАВ гўёки фаол равишда Сафоновни тарғиб қилмоқда ва "ПСЖ" дарвозабонлари ўртасидаги кучлар нисбатига таъсир кўрсатишга уринаётган экан. "Шарқдан, Россиядан келаётган лобби кампанияси нафақат секинлашмаяпти, балки кучайиб бормоқда.
Узоқ вақт давомида Россия ОАВ Матвей Сафонов ва украиналик ҳимоячи Илья Забраний ўртасидаги тахминий можарога эътибор қаратиб келган эди. Эндиликда эса Россия матбуоти янги мавзуни кўтариб, Сафоновнинг манфаатларини ҳимоя қилишга ўтди.
Бу ҳолат "ПСЖ"нинг "Ренн" устидан 5:0 ҳисобидаги йирик ғалабасидан икки кун ўтиб содир бўлди. Ўша ўйинда француз дарвозабонининг жароҳати туфайли Сафонов асосий таркибда майдонга тушди", — деб ёзади муаллиф.
Клернинг сўзларига кўра, Россия ОАВ ўша ўйиндан сўнг Сафоновнинг имкониятни юз фоизга ишлата олганига урғу берган бўлса, Лукас Шевалени эса "баъзан заиф ўйин кўрсатадиган дарвозабон" сифатида тасвирлаган. "ОАВ бу билан ҳам чегараланмай, "ПСЖ" мухлислари Шевалени унча яхши кўрмаслигини очиқ айтиб, уни трибунада "ғамгин кўринишдаги" футболчи деб атади.
Бу эса гўёки унинг машҳурликка эга эмаслигини англатади. Бу жуда бир томонлама ёндашув бўлиб, зудлик билан дарвозабонлар ўртасидаги иерархияни ўзгартиришни қонунийлаштиришга қаратилган.
Москва учун бу масала аллақачон ҳал бўлган: Сафонов — қаҳрамон, Шевале эса тўсиқ", — дея қўшимча қилади Клер. Мақола якунида муаллиф "ПСЖ" ўзига хос "қопқон" ичида эканлигини қайд этади: бир томондан, икки миллат вакиллари — Сафонов ва Забраний ўртасидаги ички "совуқ уруш", иккинчи томондан, Россия ОАВнинг босими.
Меҳмон гуруҳидаги фойдаланувчилар ушбу мақолага изоҳ қолдира олмайди.
