Футболчилик фаолияти билан танилган Александр Мостовой ПСЖ сафидаги россиялик дарвозабон Матвей Сафонов ҳақида фикр билдирди. Унинг айтишича, Сафонов Париждаги имкониятидан унумли фойдаланишга ҳаракат қилмоқда. Бу ҳақда euro-football.ru хабар беради.
Шу билан бирга, Мостовой дарвозабоннинг ўйинини аниқ баҳолаш мушкул эканини таъкидлади. Сабаби ПСЖ даражасидаги жамоада дарвозага бир учрашув давомида атиги бир-икки марта зарба бўлиши мумкин, бошқа клубларда эса посбон 20 мартагача синовдан ўтади. «Шунинг учун хулоса чиқариш қийин, барибир илашадиган жиҳат топилади», — дея Мостовойнинг сўзларини «Чемпионат» келтирди.
Чоршанба куни ПСЖ Чемпионлар лигасида ўз майдонида «Монако» билан 2:2 ҳисобида дуранг ўйнади. Икки ўйин натижасига кўра парижликлар 5:4 ҳисобида устун келиб, 1/8 финалга йўл олди. Бу босқичда ПСЖнинг рақиби «Барселона» ёки «Челси» бўлади.
“Zamin”ни Telegram'да ўқинг!
