Сэм Альтман: «Хатоларимиз учун аҳолидан чуқур узр сўрайман»
OpenAI раҳбари Сэм Альтман Канаданинг Тумблер Ридж шаҳри аҳолисидан оммавий отишмада гумонланувчи шахс ҳақида ҳуқуқ-тартибот идораларини ўз вақтида огоҳлантирмагани учун узр сўради. Компания хавфсизлик тизимидаги камчиликларни тан олиб, содир бўлган воқеадан чуқур афсусда эканини билдирди. Келгусида бундай кўнгилсизликларнинг олдини олиш мақсадида OpenAI полиция билан ҳамкорликни кучайтириш ва хавфсизлик алгоритмларини қайта кўриб чиқишга ваъда берди.
OpenAI компанияси раҳбари Сам Альтман Канаданинг Тумблер Ридж шаҳри аҳолисига расмий мактуб йўллади. У ўз мурожаатида яқинда содир бўлган оммавий отишмада гумонланувчи шахс ҳақида ҳуқуқ-тартибот идораларини ўз вақтида огоҳлантирмагани учун узр сўради. Бу ҳақда Techcrunch.com хабар беради.
Альтман компания хавфсизлик масалаларида хатога йўл қўйганини ва бу ҳолатдан чуқур афсусда эканини таъкидлади. Мазкур воқеа технологик гигантларнинг ижтимоий хавфсизликни таъминлашдаги масъулияти борасида жиддий муҳокамаларга сабаб бўлди.
Ҳозирда OpenAI раҳбарияти келгусида бундай кўнгилсиз ҳодисаларнинг олдини олиш учун маҳаллий полиция билан ҳамкорликни кучайтиришга ваъда бермоқда. Компания хавфсизлик алгоритмларини қайта кўриб чиқишини маълум қилди.
Изоҳлар 0
…