17:07 / 31.08.2020
793

Huawei смартфонлар бозорини бутунлай тарк этиши мумкинлиги тахмин қилинди

Huawei смартфонлар бозорини бутунлай тарк этиши мумкинлиги тахмин қилинди
Фото: АР/ТАСС
Таҳлилчи Мин-Чи Ко Америка санкцияларининг Huawei учун қандай оқибатлар келтириб чиқариши мумкинлиги борасида таҳлилий ҳисобот эълон қилди. Huawei корпорацияси смартфонлар бозоридан кетиши мумкин. Бу ҳақда таҳлилчи Мин-Чи Кога таяниб ITHome нашри хабар берди.

Ко Америка санкцияларининг Huawei учун қандай оқибатлар келтириб чиқариши мумкинлиги борасида таҳлилий ҳисобот эълон қилди. У турли омиллар аосисда компания ривожланишининг оптимистик ва пессимистик прогнозларини тузди. Энг яхши ҳолатда компаниянинг смартфонлар бозоридаги улуши қисқаради ва бўшаган жойни Apple, Oppo, Vivo ва Xiaomi эгаллайди.

Пессимистик прогнозга кўра эса, Huawei смартфонлар бозорини бутунлай тарк этади. Ко корпорация бу йўналишда таназзулга учрашини башорат қилмоқда.

Август охирида АҚШ президенти Дональд Трамп маъмурияти Huawei корпорациясига қарши санкциялар кучайтирилганини эълон қилди. Санкциялар рўйхатига корпорациянинг яна 38та филиали қўшилди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)