Foto: Reuters
Donald Trampning AQSH prezidentligi saylovidagi g‘alabasi fonida Ukraina Rossiya bilan muzokaralar olib borishga tayyorlanmoqda. Bu haqda Deutsche Welle xabar berdi.
Hozirda Ukraina tinchlik muzokaralarida o‘zining boshlang‘ich pozitsiyasini mustahkamlash uchun qo‘shimcha qurol-yarog‘ yetkazib berish va jang maydonidagi pozitsiyalarini saqlab qolishga intilmoqda. Tramp prezidentlikka kirishgach, Ukrainadagi urushni “24 soat ichida” tugatishga va’da bergandi.
"Kelgusi to‘rt-besh oy urushda hal qiluvchi ahamiyatga ega bo‘ladi. Bu qish hal qiluvchi payt. Umid qilamanki, urush yakuniga yaqinlashmoqda. Hozir biz muzokaralarda har ikki tomonning pozitsiyalarini aniqlab olamiz", deydi ismini oshkor etmagan ukrainalik amaldor.
Uning so‘zlariga ko‘ra, hozirda Kiyevda Tramp ma’muriyatidagi asosiy lavozimlarga kimlar tayinlanishi kutilmoqda. Chunki bu ularning Ukrainaga nisbatan qanday siyosat yuritmoqchi ekanini tushinishda yordam beradi. Ukrainalik rasmiy AQSHning yangi prezidenti lavozimga kirishganidan so‘ng Kiyevga ko‘rsatiladigan yordam qisqarishi xavfini tan oldi.
"Umid qilamanki, Bayden ma’muriyati yordam ko‘rsatish sur’atini tezlashtirish orqali bu xavfdan qochishga harakat qiladi", dedi u.
Avvalgi muzokaralar va shartlar
Rossiya va Ukraina o‘rtasida 2022 yil 17 mart, 15 aprel va 29 mart kuni Istanbulda muzokaralar bo‘lib o‘tgandi. Moskva Qrimni Rossiyaning bir qismi sifatida tan olishni, Rossiyaga qarshi barcha sanksiyalarni bekor qilishni, barcha sud da’volarini to‘xtatishni, mamlakat Xalqaro jinoiy sudga tortilmasligi bo‘yicha talablarni ilgari surgan. Ukraina tomoni ularni muhokama qilishdan bosh tortgan.
Kiyev Rossiyaning harbiy ittifoqlarga, avvalambor NATOga qo‘shilmaslik bo‘yicha talabini bajarishga tayyor bo‘lgan, buning evaziga Rossiya Ukrainaning Yevroittifoqqa kirishiga qarshilik qilmagan.
Ukraina esa hududiy yaxlitlikni ta’minlash, harbiy hujumlarni to‘xtatib, kuchlarni olib chiqish, Qrimning maqomini muhokama qilish, infratuzilmani tiklash talabini ilgari surgan. Prezident Vladimir Zelenskiy Rossiyaning talablarini “ishonib bo‘lmaydigan ultimatum” deb baholagan. Ukraina tomoni mojaroni 1991 yilgi chegaralarga qaytish bilan yakunlanishi kerakligini ta’kidlagan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Kursk viloyatidagi hududlarini qaytarib olishga 50 ming harbiy to‘pladi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
AQSH Isroilga puli to‘langan buldozerlarni bermadi
Tramp Putinga qo‘ng‘iroq qilib, Ukrainadagi urushni muhokama qildi
