Namangan shahridagi “Afsonalar vodiysi” bog‘ida an’anaviy xalqaro asal festivali boshlandi. Bu haqda “Daryo” xabar bermoqda.
Festivalning ochilish marosimida viloyat hokimligi, Turizm qo‘mitasi, Germaniyaning GIZ tashkiloti vakillari so‘z olib, tadbir ishtirokchilari va mehmonlarini qutladi.
Uchinchi bor o‘tkazilayotgan festivalda 200 dan ziyod asalarichilar o‘z mahsulotlarini taqdim etmoqda.
Ular orasida O‘zbekistonning turli shahar va viloyatlari, shuningdek, Qozog‘iston, Qirg‘iziston va Rossiya vakillari ham bor.
Festivalning ochilish marosimida so‘z olgan mutasaddilarning qayd etishicha, O‘zbekistondan eksport qilinayotgan asalari paketlarining qariyb 60 foizi Namangan viloyati ulushiga to‘g‘ri kelmoqda.
Jumladan, joriy yil 171 ming dona asalari paketi eksport qilingan bo‘lsa, shuning 100 ming donasi Namangandan yuborilgan.
2024 yilning o‘tgan muddati davomida viloyatda 4200 tonna asal yetishtirilgan.
Bu ko‘rsatkich yiliga o‘rtacha 10 foizga oshib bormoqda, tayyorlangan mahsulotlar esa Qozog‘iston, Xitoy va boshqa davlatlarga eksport qilinmoqda.
Uch kun davom etadigan festival doirasida asalarichilikka bag‘ishlangan ilmiy-amaliy konferensiya, sport tadbirlari, konsertlar, mahorat darslari va turli tanlovlar o‘tkazilishi rejalashtirilgan.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Prezident oziq-ovqat xavfsizligi masalalariga to‘xtaldi
Yangi Cobalt Midnight 7,3 million so‘m qimmatroq bo‘ladi
Erdo‘g‘on Yaqin Sharq davlatlarini Isroilga qarshi birdamlikka chaqirdi
Shimoliy Koreya TIV rahbari: “Biz Ukraina mojarosida Rossiyaga yordam berishga tayyormiz”
Eron Iroq hududidan Isroilga zarba bermoqchi
“Hizbulloh” rahbari: Urush qancha davom etmasin, o‘t ochishni to‘xtatishni so‘ramaymiz
Putinning maslahatchisi yadro qurolini “Xudoning tuhfasi” deb atab, undan foydalanishga chaqirdi
O‘zboshimchalik bilan egallangan yer uchastkalarini rasmiylashtirish uchun to‘lov miqdori ma’lum qilindi
