MMA jamoatchiligida katta qiziqish uyg‘otgan savol: “2025 yilning eng yaxshi jangchisi” kimga nasib etadi? Taniqli sport tahlilchisi, 48 yoshli MMA ustasi Cheyl Sonnen ushbu mukofot uchun asosiy da’vogarlar haqida o‘z fikrlari bilan o‘rtoqlashdi, deb xabar berdi mmajunkie.com.
Sonnenning ta’kidlashicha, bu yil g‘olibni tanlash oson bo‘lmaydi, chunki oktagonda bir-biriga teng va shiddatli bahslar kuzatilmoqda. “Merab Dvalishvili 2025 yil boshidan buyon muxlislarga ko‘plab kuchli janglar va ta’sirli chiqishlar namoyish etdi. Shu bilan birga, Iliya Topuriya ham katta rezonans keltirdi va u jamoatchilik diqqat markaziga aylandi. Albatta, Xamzat Chimayev ham ushbu poygada faol ishtirok etyapti”, – deydi Sonnen.
Mutaxassisning fikricha, vaziyatni yanada qiziqarli qilishi mumkin bo‘lgan muhim jihat – Aleks Pereyraning revansh jangda Magomed Ankalayev ustidan qozonadigan g‘alabasi. Agar shunday bo‘lsa, yil yakunlarigacha intriga saqlanib qolishi va g‘olib haqidagi bahslar yanada avj olishi turgan gap.
Eslatib o‘tamiz, ilgari Merab Dvalishvili Islom Maxachevni ortda qoldirib, “ESPY 2025” sovriniga ega chiqqan edi. Bu natija sport olamida katta rezonans uyg‘otdi va Dvalishvilining reytingdagi o‘rni yanada mustahkamlandi.
Kelayotgan oylardagi janglar va top jangchilarning ringdagi chiqishlari yilning eng yaxshi jangchisi nomiga aniqlik kiritadi. Oxirgi so‘z muxlislar va ekspertlar tomonidan aytiladi. Yangi chempion kim bo‘ladi — tez orada ayon bo‘ladi.
Jamoatchilik esa sevimli jangchilarining har bir harakati va natijasini katta qiziqish bilan kuzatmoqda. MMA olamidagi asosiy intriga – hali oldinda!
