Sobiq "Serik Belediyespor" bosh murabbiyi Sergey Yuran Turkiyada muvaffaqiyatli ishlashida Kurbon Berdiyev bergan maslahatlar katta yordam berganini ochiqladi. Kazanning "Rubin" klubi sobiq murabbiyi Berdiyev Sharq futbolchilari bilan ishlashda ehtiyotkor bo'lish va keskin qarorlar qabul qilmaslik kerakligini ta'kidlagan.
"Sergey, ko'proq tingla. Men bilaman, sen hissiyotlarga beriladigan odamsan.
Lekin keskin choralar ko'rmagin. Hammasini tinchlik bilan, bosqichma-bosqich amalga oshir.
O'zingning yo'lingdan bor, ammo bu yo'lda keskinlikdan saqlan. Hammasiga rozi bo'l, lekin o'zing bilganingni qil", - degan edi Berdiyev Yuranga.
Shuningdek, Berdiyev Yuranga jamoaning tajribali futbolchilari bilan ko'proq muloqot qilishni maslahat bergan. Yuran "Sport-Ekspress" nashriga bergan intervyusida, bu maslahatlar yuz foiz samara berganini aytdi.
Yuran "Serik" klubida bir necha oy ishlagan, ammo futbolchilar tomonidan uyushtirilgan boykot va maoshlarning kechiktirilishi tufayli klubni tark etgan.
Mehmon guruhidagi foydalanuvchilar ushbu nashrga izoh qoldira olmaydi.
