Kataloniyaning «Barselona» jamoasi Ispaniya chempionatida navbatdagi mag'lubiyatini qabul qildi — bu safar kataloniyalik «Jirona»dan yengildi. Bu haqda euro-football.ru xabar beradi.
Jamoa bosh murabbiyi Xansi Flik uchrashuvdan keyin vaziyatdan norozi ekanini yashirmadi va klub hozir og'ir davrni boshdan kechirayotganini ta'kidladi. Uning eslatishicha, o'tgan hafta «Barselona» Ispaniya Kubogida Madridning «Atletiko» jamoasiga 0:4 hisobida yirik tarzda imkoniyatni boy bergandi.
«Bizning holatimiz yaxshi emas, biz inqirozdamiz. Oldimizda javoblarni topish uchun bir hafta bor — jiddiy ishlashimiz kerak. Balki bizga boshqa mentalitet va boshqa daraja kerakdir. Biz albatta yaxshiroq o'ynashimiz shart», — deya Flikning so'zlarini «Barselona» rasmiy sayti keltirdi.
Ushbu natijadan so'ng «Barselona» Ispaniya chempionati turnir jadvalida peshqadamlikni boy berdi.
“Zamin”ni Telegramʻda oʻqing!
