Ispaniya chempionatining 24-turida kataloniyalik “Barselona” safarda “Jirona”ga 1:2 hisobida imkoniyatni boy berdi. Uchrashuvdan so‘ng “ko‘k-anorranglilar” darvozaboni Joan Garsia o‘z taassurotlari bilan o‘rtoqlashdi. Bu haqda euro-football.ru xabar beradi.
Garsia asosiy vazifasi gol o‘tkazmaslik ekanini ta’kidladi. Uning aytishicha, bu safar darvoza tomon yo‘llangan zarbalar soni kutilganidan ko‘p bo‘lgan, biroq jamoa yutqazgan pallada u amalga oshirgan seyvlar ham katta ahamiyat kasb etmaydi.
Shuningdek, posbon “Barselona” o‘yinini yaxshilashi shartligini qayd etdi: jamoa raqiblarga juda ko‘p imkoniyat taqdim etmoqda va bu jihat ustida albatta ishlash kerak. Marca nashri futbolchining so‘zlarini keltirdi.
Mag‘lubiyatdan keyin Hans-Diter Flik qo‘l ostidagi jamoa turnir jadvalida peshqadam madridlik “Real”dan ikki ochko ortda qolmoqda.
“Zamin”ni Telegramʻda oʻqing!
