Ispaniya chempionatining 24-turida Kataloniyaning «Barselona» jamoasi safarda «Jirona»ga 1:2 hisobida imkoniyatni boy berdi. Uchrashuvdan so'ng «ko'k-anorranglilar» darvozaboni Joan Garsiya o'yin haqida fikr bildirdi. Bu haqda euro-football.ru xabar beradi.
Garsiya ta'kidlashicha, uning asosiy vazifasi — gollarni o'tkazib yubormaslik, biroq bu safar raqib darvozaga kutilganidan ko'proq zarba yo'llagan. Shuningdek, u qancha seyv amalga oshirmasin, natija mag'lubiyat bo'lsa, bularning qadri qolmasligini aytdi.
Darvozabon jamoa o'yinini yaxshilash zarurligini qayd etdi: «Barselona» raqiblarga juda ko'p gol urish imkoniyatini berib qo'ymoqda va bu jihat ustida ishlash kerak. Marca nashri futbolchining so'zlarini keltirdi.
Ushbu mag'lubiyatdan keyin Xans-Diter Flik boshchiligidagi «Barselona» turnir jadvalida peshqadam madridlik «Real»dan ikki ochko ortda qoldi.
“Zamin”ni Telegramʻda oʻqing!
