Arsenal hujumchisi Leandro Trossardning rafiqasi Laura Hilven uzoq davom etgan mish-mishlarga nuqta qo'ydi. U ijtimoiy tarmoqlar orqali yetti yillik nikohdan so'ng er-xotin ajrashishga qaror qilganini rasman ma'lum qildi. Laura bu qaror osonlikcha qabul qilinmaganini va oila farovonligi uchun eng to'g'ri yo'l ekanligini ta'kidladi. Bu haqda Goal.com xabar beradi.
Er-xotin 13 yil davomida birga bo'lishgan va 2019-yilda turmush qurishgan edi. Laura Hilvenning ijtimoiy tarmoqlardagi sahifalaridan futbolchi bilan bog'liq barcha suratlarni o'chirib tashlashi hamda nikoh uzugini taqmay qo'yishi muxlislar orasida turli taxminlarni keltirib chiqargan edi. Endilikda tomonlar o'zaro hurmat saqlangan holda alohida yashashni ma'qul ko'rishdi.
Bayonotda aytilishicha, juftlik farzandlarining kelajagi va ularning baxti uchun hamon birga harakat qilishadi. Laura o'z murojaatida muxlislardan ushbu shaxsiy va og'ir davrda oilaning shaxsiy hayotiga hurmat bilan munosabatda bo'lishlarini so'radi.
Shaxsiy hayotidagi qiyinchiliklarga qaramay, Leandro Trossard maydondagi o'yinlariga diqqatini qaratishda davom etmoqda. U yaqinda Vest Xem Yunaytedga qarshi kechgan muhim bahsda g'alaba golini kiritib, jamoasiga yordam berdi. Hozirda Arsenal Angliya Premer-ligasi chempionligi uchun kurashmoqda va Trossard Mikel Arteta rejalarida muhim o'rin tutadi.
“Zamin”ni Telegramʻda oʻqing!
