Turkiyada «Oltin butsa»ni kim oladi? SI kim nechta gol urishini hisoblab chiqdi

Turkiya Superligasining 2026/2027 yilgi mavsumi kutilmagan natija bilan start oldi. Amaldagi chempion «Galatasaroy» liga debyutanti bo‘lgan «Chorum» klubi bilan bellashuvda 2:2 hisobida durang qayd etdi. Istanbul grandi safida har ikki golni nigeriyalik mahoratli forvard Viktor Osimxen kiritdi.

Bu yilgi chempionat o‘zining yulduzli tarkibi bilan tarixdagi eng murosasiz va shiddatli to‘purarlik bahsiga aylanishi kutilmoqda.

Yevropa yulduzlari Turkiyaga ko‘chdi: «Oltin butsa» uchun dahshatli raqobat

O‘tgan mavsumda 22 tadan gol urib, liganing tengsiz to‘purarlariga aylangan hamyurtimiz Eldor Shomurodov va nigeriyalik Pol Onuachu, shuningdek, Marko Asensio hamda Leroy Sane kabi yulduzlar safiga yangi mavsumdan boshlab jahon futbolining eng ko‘zga ko‘ringan hujumchilari kelib qo‘shildi.

Endilikda Turkiya yashil maydonlarida Muhammad Saloh, Dushan Vlaxovich, Meyson Grinvud, Leandro Trossard va Romelu Lukaku kabi top-ligalar to‘purarlari to‘p surmoqda.

Sun’iy intellekt hisob-kitobi: Kim nechta gol uradi?

Muxlislar o‘rtasidagi qizg‘in muhokamalarga oydinlik kiritish maqsadida ekspertlar sun’iy intellekt yordamida maxsus kompyuter algoritmlari orqali to‘purarlik poygasini simulyatsiya qildi.

Tahlil natijalariga ko‘ra, birinchi turdayoq dubl qayd etgan Viktor Osimxen asosiy da’vogar sifatida ko‘rsatildi. To‘liq prognoz reytingi quyidagicha ko‘rinish oldi:

• Viktor Osimxen — 25 ta gol

• Pol Onuachu — 23 ta gol

• Dushan Vlaxovich — 20 ta gol

• Romelu Lukaku — 19 ta gol

• Muhammad Saloh — 18 ta gol

• Meyson Grinvud — 16 ta gol

• Eldor Shomurodov — 15 ta gol

• Leandro Trossard — 13 ta gol

• Vedat Muriki — 13 ta gol

• Barish Alper Yilmaz — 12 ta gol

• Xyon Gyu O — 9 ta gol

• Andreas Skov Olsen — 8 ta gol

Sun’iy intellektning ushbu hisob-kitoblari qanchalik haqiqatga aylanishini va «Oltin butsa» kimga nasib etishini mavsum davomidagi shiddatli bahslar ko‘rsatib beradi.

Fikringizni izohda qoldiring va maqolani tanishlaringizga Telegram yoki boshqa ijtimoiy tarmoqlar orqali ulashing.