Тошкент метросида энди йўл ҳақи масофага қараб белгиланади

Тошкент метрополитенида тўлов тизимини ўзгартириш режалаштирилмоқда. Унга кўра, метрода қатнов учун амалдаги ягона тарифдан воз кечилиши мумкин.

Янги тартибда йўл ҳақи йўловчи босиб ўтган масофа ёки станциялар сонига қараб ҳисобланиши кўзда тутилмоқда. Бу тизим орқали қатнов нархи йўналиш узунлигига боғлиқ бўлиши мумкин.

Шунингдек, йўловчилар учун кунлик, ҳафталик ва ойлик абонементларни жорий этиш масаласи ҳам кўриб чиқилмоқда. Бундай абонементлар мунтазам метродан фойдаланадиган фуқаролар учун қулайлик яратиши кутилмоқда.

Янги тўлов тизимини 2027 йил 1 январдан бошлаб ишга тушириш режалаштирилган.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг