Мустақиллик байрамида ўзбекистонликлар 3-4 кун дам олади

Ўзбекистон Мустақиллигининг 35 йиллиги муносабати билан мамлакат аҳолиси кетма-кет бир неча кун дам олади.

Президент фармонига кўра, 2026 йил 31 август — душанба куни иш ҳафтасининг туридан қатъи назар, барча ходимлар учун қўшимча дам олиш куни этиб белгиланган.

Дам олиш кунлари қуйидагича:

Ҳафтада 5 кун ишлайдиганлар 4 кун дам олади:

• 29 август, шанба — одатий дам олиш куни;

• 30 август, якшанба — одатий дам олиш куни;

• 31 август, душанба — барча учун қўшимча дам олиш куни;

• 1 сентябрь, сешанба — Мустақиллик байрами куни.

Ҳафтада 6 кун ишлайдиганлар эса 3 кун дам олади:

• 30 август, якшанба — одатий дам олиш куни;

• 31 август, душанба — барча учун қўшимча дам олиш куни;

• 1 сентябрь, сешанба — Мустақиллик байрами куни.

2 сентябрь, чоршанба кунидан бошлаб эса одатий иш тартиби тикланади.

Шу тариқа, беш кунлик иш ҳафтасида ишлайдиганлар 29 августдан 1 сентябргача кетма-кет 4 кун, олти кунлик иш ҳафтасида фаолият юритадиган ходимлар эса 30 августдан 1 сентябргача 3 кун дам олади.