Бинямин Нетаняҳу Венгрияга давлат ташрифи билан келди, мамлакат Ҳаагадаги Халқаро жиноий суд юрисдикциясини тан олади. У аввалроқ Исроил бош вазирини ҳибсга олишга ордер берган эди.
Нетаняҳунинг Будапешт аэропортидаги суратлари 3 апрел, пайшанба куни уни кутиб олган Венгрия мудофаа вазири Кристоф Салай-Бобровницки томонидан Facebookʼда эълон қилинди.
21 ноябр куни ХЖС Нетаняҳу ва Исроилнинг собиқ мудофаа вазири Йоав Галантни Исроилнинг Ғазо секторидаги ҳарбий ҳаракатлари учун ҳибсга олиш учун ордер берди. Венгрия бош вазири Виктор Орбан бу ҳаракатни кескин қоралаб, Нетаняҳуни Будапештга таклиф қилишга ва Ҳаага талабини эътиборсиз қолдиришга ваъда берди.
1 апрел куни "Озодлик радиоси"нинг Венгрия хизмати Венгрия адлия вазири Бенц Тужонга таяниб, Будапешт хорижлик дипломатларни ХЖСдан чиқиши ҳақида хабардор қилганини билдирди. Журналистларнинг ҳисоб-китобларига кўра, бутун жараён бир йилга чўзилиши мумкин. Венгрия 2001 йилда ХЖСнинг Рим статутини имзолаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
