Германия ҳукумати август ойида жорий этилган Исроилга қурол-яроғ етказиб бериш эмбаргосини расман бекор қилди. DPA агентлигининг маълум қилишича, қарор 24 ноябрдан кучга киради. Бу ҳақда ҳукумат вакили Штефан Корнелиус баёнот берган.
Унинг айтганича, айрим турдаги қуролларга қўйилган чекловлар ҳозирги геосиёсий шароитда аҳамиятини йўқотган. Қарор қабул қилинишидаги асосий омиллардан бири сифатида 10 октябрдан амал қилаётган Исроил ва ҲАМАС ўртасидаги ўт очишни тўхтатиш келишуви тилга олинган.
Аввалроқ Ғазодаги ҳарбий ҳаракатлар Германия жамоатчилигида жиддий норозиликка сабаб бўлган ва у геноцид сифатида баҳоланган эди. Шундан сўнг ҳукумат Исроилга қурол етказиб беришни вақтинча тўхтатганди.
Янги қарор билан Берлин расмийлари вазият барқарорлашганини ҳисобга олган ҳолда чекловларни бекор қилишга қарор қилди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
