Италиядаги пляждан 40 кг қумни олиб кетишга уринган туристлар қўлга олинди

^{Фото: Living in Travels}
Италиянинг Сардиния оролида пляждан 40 килограмм қумни олиб кетишга уринган икки нафар турист қўлга олинди, деб хабар беради «Дарё» нашри.
Туристлар олти йилгача озодликдан маҳрум этилиши мумкин.

Таъкидланишича, юк жамадонини қум билан тўлдириб олган туристлар Италиядан Францияга кетишни режалаштирган, бироқ қўлга тушиб қолган. Маҳаллий полиция ходимлари уларнинг ёнида ичига оқ қум солинган умумий оғирлиги 40 килограммга тенг бутилкаларни топган. Қонунларга кўра, оқ рақли қумни пляжни олиб чиқиб кетиш тақиқланади.

Туристларнинг сўзларига кўра, улар бу каби тақиқ мавжудлигидан бехабар бўлган ва қумни уйга сувенир сифатида олган. «Замин»ни Telegram’да ўқинг!