«Яқинда маҳалламиздаги нуроний отахонлардан бири невараси ўқийдиган мактабдаги муаллимларнинг деярли барчаси хотин-қизлар эканлигини айтиб, эркак ўқитувчилар қаёққа кетган, дея савол берди. Урганч шаҳар халқ таълими ходимларининг бир анжуманида иштирок этиб, отахоннинг эътирози ўринли эканлигига амин бўлдим. Чунки катта зални тўлдириб ўтирган педагогларнинг деярлик тўқсон тўққиз фоизи хотин-қизлардан иборат эди», деб ёзади «Халқ сўзи» нашрининг Хоразм вилояти бўйича мухбири Одилбек Одамбоев.
Мақолада руҳшуносларнинг болалик ва ўсмирлик палласида ўғил болаларда мардлик ва жасорат, қатъият ва шижоат, ор-номус ва ғурур туйғуларининг шаклланишида, уларнинг чинакам йигит бўлиб етишишида эркак устозларнинг роли жуда катта экани ҳақида фикри келтирилади. Муаллиф «Оилада фарзанд тарбияси билан асосан оналар шуғулланади. Демак, уйда ҳам, мактабда ҳам ўғил болалар тарбиясининг аёл киши қўлида қолиши мақсадга мувофиқ эмас», дея таъкидлайди.
Мақолада келтирилишича, айни кунда Урганч шаҳридаги умумтаълим мактабларида 1979 нафар педагог фаолият кўрсатмоқда Шундан 1738 нафари ёки 87,8 фоизи хотин-қизлардан иборат. «Хўш, унда отахон айтганидек, эркак ўқитувчилар нега мактабни тарк этди? Ёки педагогика йўналишидаги олий ўқув юртларида фақат қизлар таҳсил олаяптими?», дея ўртага савол ташлайди муаллиф. Бу саволга жавобан «2017 йилда Урганч давлат университетининг бакалавриат ва магистратура босқичларини педагогик йўналишлар бўйича тамомлаган 1832 нафар ёш мутахассиснинг 751 нафари ёки 41 фоизини йигитлар ташкил қилгани, уларнинг бир қисми меҳнат фаолиятини таълим соҳасида эмас, бошқа тармоқларда олиб боришаётгани»ни таъкидлайди.
Муаллифнинг айтишича, шифокор-мутахассисларни мақсадли тайёрлаш бўйича республикамизда амалга оширилаётган тажрибани ўқитувчилар тайёрлашга ҳам татбиқ этиш лозим деган ғояни илгари суради. «Яқинда Тошкент Тиббиёт академияси битирувчиларига ҳудудларда шифокорларга бўлган эҳтиёжни ўрганиш натижалари бўйича ишга йўлланма берилди, — дейди у бу ҳақда. — Балки бу тажрибани педагогика йўналишидаги олий ўқув даргоҳларида ҳам қўллаш, йигитларнинг ҳам ўз мутахассислиги бўйича ишга жойлаштиришнинг манзилли режасини амалиётга жорий этиш вақти келгандир. Шунда мактабларда эркак ўқитувчилар сони кўпайиб, уларнинг таълим-тарбия жараёнидаги қаттиққўллиги боис ўқувчилар ўртасида тартиб-интизом масалалари янада яхшиланар. Бу борада сиз қандай фикрдасиз?». “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди