"Rogbid" brendi o'zining yangi "SpinX" aqlli soatini namoyish etdi. Qurilmaning asosiy o'ziga xosligi interfeys va ilovalarni boshqarishni osonlashtiradigan maxsus aylantirish g'ildiragidir.
Bu haqda Ixbt.com xabar beradi.
Shuningdek, soat 1100 mAs sig'imli kuchli akkumulyator bilan jihozlangan bo'lib, u faol rejimda 40 kun, kutish rejimida esa 100 kungacha ishlash imkonini beradi.
Yangi model 466x466 pikselli 1,43 dyuymli AMOLED-displeyga ega bo'lib, Adobe RGB rang maydonini 99,5 foizga qamrab oladi. Qurilmaga uch xil rejimda ishlaydigan o'rnatilgan fonarcha ham joylashtirilgan.
"Rogbid SpinX" Bluetooth 5.4 texnologiyasini qo'llab-quvvatlaydi, bu orqali qo'ng'iroqlarni amalga oshirish va musiqa boshqarish mumkin. Maxsus datchiklar sutka davomida puls va qondagi kislorod miqdorini o'lchab boradi, shuningdek, uyqu monitoringini amalga oshiradi.
Sportchilar uchun 100 dan ortiq mashg'ulot rejimlari, kompas va 3ATM suvdan himoya tizimi ko'zda tutilgan. Qurilma AQShning MIL-STD-810H harbiy standarti talablariga javob beradi.
Hozirda ushbu aqlli soatning narxi 50 dollar etib belgilangan.
Читайте «Zamin» в Telegram!
