Французнинг ПСЖ жамоаси дарвозабони Матвей Сафонов клубнинг Чемпионлар лигасида навбатдаги босқичга йўл олганидан сўнг ўз фикрларини билдирди. Бу ҳақда euro-football.ru хабар беради.
Парижликлар аввалроқ «Монако» билан 2:2 ҳисобида дуранг ўйнади ва икки ўйин натижасига кўра 5:4 ҳисобида устун келиб, турнирнинг 1/8 финалига чиқди.
Сафонов шахсий Telegram каналида эълон қилинган видеода туғилган куни Чемпионлар лигасида майдонга тушишини ҳатто тасаввур ҳам қилмаганини айтди. Дарвозабон учрашув жуда оғир кечганини, ҳам руҳан, ҳам жисмонан анча чарчаганини таъкидлади ва бугун Парижда байрам кайфияти ҳукм сураётганини қўшимча қилди.
1/8 финалда ПСЖ «Челси» ёки «Барселона»дан бирига қарши ўйнайди. Қуръа ташлаш маросими эртага, 27 февраль куни бўлиб ўтади.
“Zamin”ни Telegram'да ўқинг!
