Россиялик собиқ футболчи Александр Мостовой ПСЖ дарвозабони Матвей Сафоновнинг парижликлар сафидаги ўйинлари ҳақида фикр билдирди. Унинг айтишича, Сафонов берилган имкониятдан фойдаланишга ҳаракат қилмоқда. Бу ҳақда euro-football.ru хабар беради.
Шу билан бирга, Мостовой ПСЖнинг кучли даражаси сабаб дарвозабон фаолиятини баҳолаш мушкуллигини таъкидлади. «ПСЖда бир ўйинда дарвозангга атиги икки-уч марта зарба бўлиши мумкин, бошқа жамоада эса 20 марта тепишади. Шунинг учун хулоса чиқариш қийин, барибир ёпишадиган жой топилади», — деди у.
Чоршанба куни ПСЖ Чемпионлар лигасида ўз майдонида «Монако» билан 2:2 ҳисобида дуранг ўйнади. Икки учрашув натижасига кўра парижликлар 5:4 ҳисобида устун келиб, 1/8 финалга йўл олди. Кейинги босқичда ПСЖнинг рақиби «Барселона» ёки «Челси» бўлади.
“Zamin”ни Telegram'да ўқинг!
