Футболчи сифатида танилган Александр Мостовой ПСЖ дарвозабони Матвей Сафоновнинг ўйинлари ҳақида фикр билдирди. Унинг айтишича, россиялик посбон Париж клубида берилаётган имкониятдан фойдаланишга ҳаракат қилмоқда. Бу ҳақда euro-football.ru хабар беради.
Шу билан бирга, Мостовой ПСЖнинг кучли даражаси сабаб Сафонов ҳақида аниқ хулоса чиқариш осон эмаслигини таъкидлади. «ПСЖда бутун ўйин давомида дарвозангга икки марта зарба бўлиши мумкин, бошқа жамоада эса 20 марта уришади. Шунинг учун баҳо бериш қийин, барибир танқид қилишга нимадир топилади», — дея Мостовойнинг сўзларини «Чемпионат» келтирди.
Чоршанба куни ПСЖ Чемпионлар лигасида ўз майдонида «Монако» билан 2:2 ҳисобида дуранг ўйнади. Икки учрашув натижасига кўра парижликлар 5:4 ҳисобида устун келиб, 1/8 финалга йўл олди. Кейинги босқичда ПСЖнинг рақиби «Барселона» ёки «Челси» бўлади.
“Zamin”ни Telegram'да ўқинг!
