Анчелотти Бразилия жамоаси етакчиси Винисиус ҳақида фикр билдирди

Бразилия миллий терма жамоаси бош мураббийи Карло Анчелотти «Реал» клуби ҳужумчиси Винисиус Жуниорнинг яқинлашиб келаётган жаҳон чемпионатида муҳим рол ўйнаши мумкинлигини айтди. Бу ҳақда Brasil Football нашри хабар берди.

Мураббийнинг таъкидлашича, «Ўйлайманки, Винисиус Жуниор халқаро майдонда жуда таъсирли ва самарали ўйин намойиш этади. У жамоа ҳужумини тез ўзгартириши ва вазиятни ҳал қилиши мумкин», — деди Анчелотти.

Шу билан бирга, мутахассис жамоа фақат бир футболчининг қўллаб-қувватлашига боғлиқ эмаслигини таъкидлади. «Ҳужумда бошқа иқтидорли футболчилар ҳам бор, масалан, Рафиня ва Эстевао. Барчаси бир ўйинчига боғлиқ эмас, таркибимиз жуда ҳам мустаҳкам ва кучли», — деб қўшимча қилди мураббий.

Маълумот учун, Бразилия жаҳон чемпионатида Марокаш, Ҳаити ва Шотландия билан бир гуруҳда баҳс олиб боради. Бу эса Винисиус ва жамоа учун жаҳон майдонида ўз имкониятларини кўрсатиш ва рақобатда юқори натижаларга эришиш имкониятини яратади.