АҚШдаги энг йирик электр тармоғи бўлган ПЖМ Интерконнектион тизимида электр энергияси нархи бир йил ичида деярли икки баробарга ошди. Мустақил кузатувчи Мониторинг Аналйтикс ташкилоти томонидан эълон қилинган ҳисоботга кўра, бир мегаватт-соат электр энергияси учун улгуржи нарх ўтган йилги 77,78 доллардан 136,53 долларгача кўтарилган. Бу ҳақда Techcrunch.com хабар беради.
Мутахассислар нархлар ошишига маълумотлар марказларининг (дата сентерс) ҳаддан ташқари кўп электр энергияси истеъмол қилаётгани ва ПЖМ операторининг ушбу ўсиб бораётган талабни бошқаришда ожизлик қилаётганини сабаб қилиб кўрсатмоқда. Мониторинг Аналйтикс ташкилоти мижозлар учун юзага келган молиявий зарба қайтариб бўлмас даражада эканлигини ва муаммо ўз вақтида ҳал этилмаса, вазият янада ёмонлашишини таъкидлади.
ПЖМ тармоғи, хусусан, маълумотлар марказлари жуда кўп жойлашган Шимолий Виржиния ҳудудини қамраб олади. AI технологиялари ривожланиши билан электр энергиясига бўлган талаб кескин ортди, бироқ мавжуд электр тармоқлари бундай юкламага мўлжалланмаган. 2022-йилда ПЖМ янги энергия манбаларини улаш бўйича аризаларни қабул қилишни тўхтатиб қўйган эди, бу эса ҳозирги танқисликни янада чуқурлаштирди.
Мониторинг Аналйтикс ҳисоботида ПЖМ қарор қабул қилиш жараёнида шаффоф эмаслиги ва дастурий таъминотни янгилашни бир неча йилга кечиктиргани танқид қилинган. Ташкилот фикрича, ПЖМ мавжуд инқирозни бозор қоидаларини ўзгартириш учун баҳона сифатида ишлатмоқда, аслида эса муаммонинг илдизи маълумотлар марказларининг назоратсиз юкламасида ётибди.
“Zamin”ни Telegram'да ўқинг!
