AQSH Ukrainaga 100 ta Switchblade droni va 50 dan ziyod gaubitsalar yuborib ulgurgan

^{Foto: Business Insider}
AQSH rejalashtirilgan 700 ta Switchblade dronlarining 100 tasini allaqachon Ukrainaga yuborgan. Bu haqda Pentagondagi yuqori martabali amaldorning so‘zlariga tayanib, Foreign Policy jurnali xabar tarqatdi, deb yozmoqda «Interfaks».

Bundan tashqari, jurnal manbasining aytishicha, AQSH Ukrainaga 90 ta gaubitsaning 60 foizini yetkazib bergan. Yevropa hududida AQSH tomonidan 100 nafar ukrainalik harbiylar gaubitsalardan foydalanishga o‘qitilmoqda, yana 15 nafar ukrain harbiylari Q64 radarlaridan foydalanishni o‘rganmoqda.

29 aprel holatiga ko‘ra, mintaqaga Ukraina uchun qurol-yarog‘ning 20 partiyasi, xususan, 155 millimetrli artilleriya snaryadlari, bronenimchalar, shlemlar olib kelingan. Jurnalning aniqlik kiritishicha, keyingi 24 soat davomida AQSH Yevropaga Ukraina uchun o‘nlab aviareyslarda Phoenix Ghost dronlari va 155 millimetrli snaryadlar yetkazib beradi. Ukraina jami 121 dona Phoenix Ghost uchuvchisiz parvoz qiladigan apparatlarni qo‘lga kiritishi kerak.

Pentagon vakili qurol-yarog‘ transportirovkasi Ukraina hududidan tashqari hududlarga amalga oshirilayotganini bildirgan.

Shuningdek, u ukrainalik harbiylarni Phoenix Ghost qurilmalaridan foydalanishga o‘qitish ishlari boshlanmaganini aytgan va AQSH Ukrainaga kiberhimoya uchun ham uskunalar yuborayotganini bildirgan.

AQSH mudofaa vazirligi vakili Vashingtonning Kiyev bilan «Patriot» zenit raketalari hamda THAAD raketa zarbalaridan himoya komplekslarini berish borasida muzokara olib borayotganini oshkor qilgan. “Zamin” yangiliklarini “Odnoklassniki”da kuzatib boring