Foto: Telegram / ivan_fedorov_zp
Ukraina janubidagi Zaporijjya shahrida 23 sentyabr, dushanbaga o‘tar kechasi Rossiyaning zarbasi natijasida 21 kishi yaralandi. 13 ta turar joy binosi, ikkita bolalar bog‘chasi va bir nechta avtomobil zarar ko‘rgan, deya xabar beradi Ukraina politsiyasi.
O‘z navbatida, Zaporijjya oblasti ma’muriyati rahbari Ivan Fedorov Telegram'da Rossiya qo‘shinlari mintaqada to‘qqizta havo hujumini amalga oshirganini yozdi. Rossiyaning turli modifikatsiyadagi 209 ta dronlari Gulyaypole, Novodanilovka, Novoandrevka, Rabotino, Malaya Tokmachka, Levadnoye va Malinovkaga hujum qildi.
Ukraina ommaviy axborot vositalarining ta’kidlashicha, rus qo‘shinlari birinchi marta Zaporijjyaga qiruvchi samolyotlardan uchirilgan va o‘nlab kilometr uzoqlikdagi obyektlarni nishonga olgan boshqariluvchi bombalar bilan hujum qilgan. Yuzlab kilogramm og‘irlikdagi bunday bombalar allaqachon Xarkiv va Ukrainaning boshqa shaharlarida katta vayronagarchiliklarga sabab bo‘lgan. Ukraina havo mudofaasi ma’lumotlariga ko‘ra, Rossiya Ukraina hududiga to‘rtta UUA ham uchirdi, ulardan uchtasi urib tushirildi.
Xerson oblasti harbiy ma’muriyatining Telegram-kanalda ma’lum qilishicha, Rossiya qo‘shinlari so‘nggi 24 soat ichida Xerson oblastidagi 16 ta aholi punktini o‘qqa tutgan. Otishma natijasida bir kishi halok bo‘ldi, yetti kishi yaralandi.
Ukraina dronlari Rossiya uzra
Ayni vaqtda, Rossiya Mudofaa vazirligi kecha tunda Rossiya havo hujumidan mudofaa vositalari Ukraina qurolli kuchlarining to‘rtta uchuvchisiz uchog‘ini Kursk oblastida, yana to‘rttasini Belgorodda zararsizlantirgani haqida xabar berdi. Rossiya idorasi ma’lum qilishicha, Kursk oblastidan 130 mingdan ortiq aholi evakuatsiya qilingan, 21 avgust holatiga ko‘ra, 31 kishi halok bo‘lgan va 143 kishi jarohat olgan.
O‘z navbatida, Belgorod oblasti gubernatori Vyacheslav Gladkov Ukraina dronlarining Gubkin shahriga hujum qilganini ma’lum qildi. Oqibatda, amaldorning so‘zlariga ko‘ra, avtomobillar va uchta ko‘p qavatli uydagi oynalar shikastlangan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
2026 yilda bo‘lajak mundialning favoritlari reytingi taqdim etildi
Xalqaro jinoyat sudining orderi Isroilni nega qo‘rqityapti?
22 noyabr kuni Cobalt avtomobiliga shartnoma ochilishi e’lon qilindi
Italiya sudi Quddus Isroil poytaxti emasligi haqida qaror chiqardi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
