Suriya yangi rahbarining qoʻshnilari uning bolaligi haqida gapirib berdi

Suriya poytaxti Damashqdagi El-Mezza mavzesi aholisi bir vaqtlar qoʻshni boʻlib yashagan mamlakatning yangi rahbari Ahmad Al-Shara'aning bolaligi haqida gapirib berishdi.

"Janob Ahmad al-Shara'a Saudiya Arabistonidan qaytganida yosh bola edi. Eslashimcha, 4 yoki 5-sinfda oʻqigan. Boshlangʻich maktabni Umar bin Xattob maktabida tamomlagan, keyin Umar bin Abdulaziz maktabiga oʻtgan. Ash-Shafi'a masjidida doʻst orttirgan. Oʻrta maktabni tugatgach, Al-Shara'a universitetga oʻqishga kirdi, lekin oʻqishni yakunlamagan", dedi Al-Mezza mahallasidagi sartarosh Muhammad Arapoglu.

^{Foto: Getty Images}
Uning soʻzlariga koʻra, Al-Shara'a bolaligida doʻstona, xushmuomala va mehribon, kamgap, xotirjam xarakterga ega boʻlgan.

"Uning oilasi saxiy va mashhur edi. Otasi koʻchmas mulk agentligi, ukasi esa supermarketga egalik qilardi. Uning bir necha aka-uka va opa-singillari bor", deydi Arapoglu.

^{Foto: Getty Images}
Erkakning soʻzlariga koʻra, u Al-Shara'ani televizorda koʻrib, hayratini yashira olmagan, chunki u bunday yuksaklikka chiqishini kutmagan edi.

"Men uning bunday darajaga erishishini kutmagan edim, lekin Masha Alloh, u haqiqiy etakchi", dedi u.

Arapoglu, shuningdek, Suriya yangi rahbarining oʻzi oʻsgan mahallaga tashrifi haqida gapirdi:
U toʻsatdan bu erga tashrif buyurdi. Atrofga odamlar toʻplanishdi. Al-Shara'a yaqin kelib, men bilan samimiy soʻrashdi, ahvolim, sogʻligim, doʻstlarim, aka-uka va opa-singillarim haqida soʻradi. Juda xushmuomala odam. Biz zolimdan xalos boʻldik, biz baxtiyormiz, lekin mamlakatga Ahmad al-Shara'a boshchilik qilgani uchun yanada koʻproq xursandmiz", deya qoʻshimcha qildi u.

Qoʻshnilar uni juda yaxshi koʻrishardi

Muhammad Asfahoniy 1996 yildan beri Mezzadagi Al-Shara'a uyi joylashgan koʻchadagi oziq-ovqat doʻkonini boshqarishini aytdi.

"Bu erda doʻkon ochish sharafiga muyassar boʻldim. Bu erda Shofe'iylar masjidi joylashgan va uning xodimlari juda yaxshi odamlar. Ularning orasida ustozimiz Abu al-Xayr Shukriy birinchi oʻrinda turadi. Janob Shayx Ahmad (Al-Shara'a) ham uning shogirdi boʻlgan", dedi u.

^{Foto: Global Look Press}
Uning soʻzlariga koʻra, yoshligida Al-Shara'a umra qilmoqchi boʻlgan moliyaviy jihatdan nochor odamlar uchun pul yigʻishda yordam bergan.

"Kimdan soʻrasangiz, hech kim bilan muammosi boʻlmaganini va hech kimni bezovta qilmaganini aytishadi. Qoʻshnilar uni juda yaxshi koʻrishardi. Men bunga guvohman", deya ishontirdi erkak.
Asfahoniy ham Al-Shara'aning madaniyatli va oʻqimishli oilada ulgʻayganini ta'kidladi.

Oʻqishni juda yaxshi koʻrar, tarixga qiziqardi

Imom Ash-Shafiya masjidi imomi Muhammad Abu al-Xayr Shuqriy Ahmad al-Shara'a masjidga Qur'onni oʻrganish uchun erta yoshda, 1997 yoki 1998 yilda kelganini aytdi.

"Oʻylashimcha, Qur'onning bir qismini shu erda oʻrgangan, hadisdan saboq olgan. Bu erda u islom axloqiy ta'limini ham olgan. Biz oʻquvchilarimizga axloq, mehr-muhabbat, ota-onaga hurmat, birga yashash va zoʻravonlikdan voz kechish kabi islomiy qadriyatlarni oʻrgatamiz", dedi imom.

Shukriyning soʻzlariga koʻra, oradan koʻp yillar oʻtdi, ammo u ishonch bilan aytishi mumkinki, Al-Shara'aning etakchiligi qonida boʻlgan.

"U lider boʻlishni yaxshi koʻrardi. Masalan, futbol matchlarida, suzish yoki ekskursiyalarda. Oʻqishni, ayniqsa, tarixni yaxshi koʻrardi. Qadimgi dunyo va hozirgi zamon tarixini oʻqirdi. Damashqda tugʻilib oʻsgan. Bu shaharni juda yaxshi koʻrardi", dedi agentlik suhbatdoshi.

Shukriyning ta'kidlashicha, Al-Shara'a toʻrt yilga yaqin masjidda tahsil olgan va uning fe'l-atvorida zoʻravonlik va yovuzlikka qarshi kurashga intilish mavjud.

U Suriya qurilishida oqilona siyosat olib bormoqda

Shuqriy Al-Shara'a Idlibda boʻlganida hukumat va vazirlik tuzganini ta'kidladi. Al-Shaariyning inqilobiy tushunchadan davlat tushunchasiga oʻtishi juda muhim edi. Men uning tor diniy qarashlardan chiqib, Ummat va davlatni tushunishga oʻtganini koʻrdim. Janob Al-Shara'a Damashq tafakkur maktabi deb nomlanuvchi moʻ'tadil oqimga murojaat qildi. Men Ahmad Al-Shara'ani muvaffaqiyatli lider deb hisoblayman. U mutolaa va ilm-fanga katta ahamiyat bergani uchun juda oʻziga xos inson. U diplomat va yangi Suriya qurish boʻyicha oqilona siyosat olib bormoqda, dedi imom.

Liderning yonida doʻstlari va oʻz xalqi boʻlishi kerak

Al-Shara'ada mamlakatni boshqarish uchun kuch bormi, degan savolga Shukriy shunday javob berdi:

Men doim shuni aytaman, boshqaruvni bir kishi amalga oshirishi mumkin emas, rahbar va uning atrofidagilar boʻlishi kerak. Komandir mamlakatni yolgʻiz oʻzi zabt eta olmaydi, uning askarlari boʻlishi kerak. Agar biz uni qoʻllab-quvvatlamasak, u muvaffaqiyatsizlikka uchraydi. Rahbarning yonida doʻstlari va oʻz xalqi boʻlishi kerak va biz xalqimizning Al-Shara'a atrofida birlashayotganini koʻrib turibmiz. “Zamin”ni Telegramʻda oʻqing!