Lionel Messi 2026 yilgi jahon chempionatida Argentina terma jamoasi safida maydonga tushmasligi mumkin. The Touchline xabariga ko'ra, 38 yoshli hujumchi mundialni o'tkazib yuborish variantini ham istisno qilmayapti. Bu haqda euro-football.ru xabar beradi.
Messining yakuniy qarori uning jismoniy holatiga bog'liq bo'ladi. U o'zini 100 foiz tayyor deb his qilmasa, hatto 1 foizlik pasayish bo'lsa ham, turnirga bormaslikni tanlashi mumkin.
Qayd etilishicha, Messi MLS darajasini jahon chempionatiga eng yuqori formada tayyorlanish uchun yetarlicha raqobatbardosh emas, deb hisoblaydi. Shu bois u bu omilni to'liq jismoniy tayyorgarlik bilan qoplash zarurligini yaxshi tushunadi.
JCh-2026da Argentina amaldagi chempion sifatida titulini himoya qiladi. Avvalgi mundial finalida “albiseleste” Fransiyani 3:3 hisobidagi durangdan keyin penaltilar seriyasida mag'lub etgandi.
“Zamin”ni Telegramʻda oʻqing!
