Moskvaning «Dinamo» klubi va Sobiq Ittifoq terma jamoasining sobiq hujumchisi Anatoliy Baydachniy Meksikada o‘tadigan jahon chempionati uchrashuvlarini tashkil etish atrofidagi xatarlar haqida fikr bildirdi. Meksika kelasi yoz mundialning 13 ta o‘yinini qabul qilishi kerak, biroq mamlakatdagi hozirgi tartibsizliklar fonida musobaqani o‘tkazish masalasi shubha ostida qolmoqda. Bu haqda euro-football.ru xabar beradi.
Baydachniyga ko‘ra, siyosiy qarorlar taqdirida o‘yinlar AQShga ko‘chirib yuborilishi ham ehtimoldan xoli emas. U turnirga hali vaqt borligini, vaziyat o‘zgarib qolishi mumkinligini ham ta’kidladi. Shu bilan birga, dunyodagi umumiy beqarorlikni eslatib, jahon chempionati umuman o‘tmay qolishi ehtimolini ham tilga oldi.
Ma’lum qilinishicha, Meksikadagi mundial o‘yinlari uch shahar — Mexiko, Monterrey va Gvadalaxarada bo‘lib o‘tishi belgilangan. Turnir 11 iyundan 19 iyulgacha davom etadi, uchrashuvlarni Meksika va AQSh bilan birga Kanada ham qabul qiladi.
“Zamin”ni Telegramʻda oʻqing!
